Fish & Chick (新海旁街)

营业中

休息中

放工时间，地铁故障，九龙线多人到不得知了，返屋企嘅时间亦都长了。约左我HONEY去食晚饭，由于唔知我几点会返到，于是佢揾左个地方边叹啤酒边等住我，佢拣左FISH & CHICK 边叹啤酒，边望海景。到我黎到都8点，顺便食埋个晚饭，我哋叫咗个二人套餐。 二人套餐都有几款选择架，我地拣左烟三文鱼沙律配蜜糖刁草汁、是日餐汤、传统英式炸鱼配薯条、烤鸡半只配甜粟米、同埋冻柠茶。烟三文鱼沙律配蜜糖刁草汁：菜新鲜嫩口，配上烟三文鱼同酸尾尾嘅酱汁，清新开胃。是日餐汤：是日餐汤系粟米汤，此粟米汤并非一般我哋饮嘅罐头粟米汤。粟米嘅甜味配上忌廉嘅滑溜，加埋有少少粟米嘅渣宰，有口感又唔觉得腻。传统英式炸鱼配薯条：有趣在于个炸鱼表层好脆，内里鱼肉好腍，口感外脆内软，不错。喜爱食鬼佬薯条既我只感到脆口。烧春鸡配粟米：半只烧春鸡，鸡肉好滑，用香草腌制过，肉质滑而不"鞋"，鸡皮唔系干争争果只。粟米既牛油味好重，十分甜。冻柠茶：唔系我哋饮开茶餐厅既冻柠茶，系鬼佬红茶加左类似蜜糖的糖桨，好好饮。