星期二薄餅皇 (已結業)

以前一出沙田火车站, 打算去行下宜家家私果阵, 都会见到哩间星期二PIZZA, 有时就会系到谂, 究竟佢系星期二先开, 定系星期二就休息?今次突登入沙田会一会哩间PIZZA 铺行到去门口, 揾左一大轮, 先知边到落单, 原来落单同埋坐O既地方都有段距离, 隔左个门口, 真系好离奇, 叫完野食, 拎左枝汽水, 就去隔离坐底等野食, 原本都好地地, 好可惜附近就有人食烟, 隔离仲有堆小朋友食紧野, 咁对d 食客唔系咁好啰...坐多阵, 汽水都饮完d 野食就黎到啦! 有匈牙利pizza,百宝焗饭 (好多肉)bbq 鸡翼 (ok 香口 焗得脆卜卜)辣海鲜意粉 (有d辣)一食落口, 比想像中好食㖞 d意粉仲好食过某大连锁pizza 铺, 不过就咸左小小, 一路饮汽水一路食一定好正!!!可惜汽水已经饮完虽然嗌左个二人餐, 但两个麻甩佬食, 竟然争d 食唔哂!!