蘇珊娜餐廳

营业中

休息中

又到星期五～～又到拍拖食饭嘅时间今晚走咗入西贡食！事源有日见朋友嚟过，见个罗宋汤好正咁，一于喺open rice bookmark 佢！睇餐牌，得前后两页，离不开铁板餐！我哋拣咗铁板西冷同煎龙利柳餐！餐附送汤、即烘牛油多士、咖啡/茶、雪糕！餐汤，当然系拣罗宋汤啦！好重嘅蕃茄味好足料，仲有牛肉粒！当然，煲汤嘅牛肉粒就唔好有期望了。。。主菜一，煎龙利柳！真系煎，仲要系冇蛋浆冇蛋白就咁煎出面好多都系有蛋浆嘅煎甚至炸⋯⋯呢度系坚系煎！虽然油咗少少，但冇啲蛋浆粉浆已值得加分主菜二，铁板黑椒西冷！三成熟！因为用铁板一定会比原本煎好嘅三成再熟，三成就会变五成！不能太熟！黑椒汁，竟然加咗我最怕嘅蒜⋯⋯原本系我食牛扒我男朋友食龙利柳，但依家就要调转食⋯⋯好彩个龙利柳好味啫⋯⋯讲番牛味，说真的不是很有牛味，但就唔会用松肉粉「拿」到冇晒肉味同得个林字⋯⋯饮品方面，跟餐加钱转饮品！最后到雪糕登场，我一个人食晒两杯因为男朋友太饱！芝麻雪糕真系有粒粒黑芝麻系中间重有雪同唔够滑⋯⋯总结呢啲旧式餐厅，对服务质素不能太有要求！同埋相信下午时段会抵食好多！