蘇珊娜餐廳

营业中

休息中

以前好好味嘅羅宋湯而家冇晒味，牛扒無味，連黑椒汁都係冇味，全部都好似唔記得落鹽咁，除咗牛油多士同埋雪糕係以前個水準之外，其他要調味嘅食物同飲品都溝到稀晒，食咗越過20年，近年越做越衰唔會再去了

今日去餐廳一試，很普通，無咩特別，性價比唔高。叫左西冷同牛柳，份量偏少，味道正常無驚喜。水吧嘢飲唔ok，叫左凍央似奶水，凍檸茶幾乎無茶味。應該都唔會再去第二次，名過於實。

之前有睇過一個youtuber拍過試食，而自己又成日去西貢，所以決定一試！價錢並不便宜，晚餐都要$200-300，但味道都不錯，不會有廉價排嘅感覺，份量也足夠，包湯和飯後甜品雪糕🍧

對上一次嚟食已經係幾年前，果陣係移咗民嘅朋友帶我食，今次再嚟食同記憶中一樣咁好食環境裝修都好有情調，好似食燭光晚餐咁! 今次嗌咗鐵板扒餐嘅西冷扒餐同埋什扒餐，其實之前都係食開牛扒，但唔知點解突然又心思思好想食什扒(雖然之後好後悔依個決定)兩個都係叫咗洋蔥汁，一個跟薯菜一個跟白飯 每個餐都會有一份牛油多士，烘到好香好脆，仲落咗勁多牛油，超正!栗米忌廉蘑菇雞湯就普普通通咁上枱棟陣個鐵板仲係勁熱，聽住啲「炸炸聲」就係食鐵板嘅最大樂趣牛扒一定要加蒜蓉!!!連平時唔太好蒜蓉嘅我都忍唔住加咗好多，唯一嘅缺點係個口勁大陣味XD每一啖都好香好嫩，好快就比我哋清晒什扒有好多款，火腿、腸仔、雞扒、豬扒、普通牛扒都齊晒份量上大滿足，但以依個價錢嚟講就好唔值都係食返牛扒好啲 餐仲有球雪糕，都幾開心

今午因有特別的事情要辦，去了西貢一次。昨晚已經選下這間餐廳。大約一時許都達已經95%滿座。我選了黑椒牛柳餐，雖然件牛柳俾我預期細件但很juicy. 午餐包的牛油多士很好吃，可以再次光顧。

☀️🌡大熱天時很久沒有郊遊，今日落雨，氣溫稍降，懷住僥倖的心情出了門，有少少幸運，搭車的時間落大雨，🌧🌧落車的時間停雨，真是開心。在西貢行了一圈 ，欣賞雨後的景色，⛅️心情大好，肚子也餓了。不知不覺就走到這間50年歷史的餐廳 。之前食過幾次，印象不差，今日再嚟懷舊一番，桃花依舊人面全非，餐廳的裝修沒變，依然是昏暗的燈光，七彩的壁燈顯示出它的歷史地位，套餐依然是那些，我和Honey 選了一個豬扒餐一個牛扒餐， 然後靜靜地等待著享受這一頓懷舊的午餐。店員奉上清水一杯，很快羅宋湯就送到，小小的一碗味道依然，陪伴羅宋湯的是浸滿牛油的多士，很久沒有吃這樣豐潤的多士。😝兩個主菜相繼送到，除了一塊肉扒外，還有白菜仔和炸薯條相伴，份量不少，豬🐷扒和牛🐮扒都淋上黑椒汁，惹味啲肉扒多汁又不柴，算是達到預期。 港式西餐的組合自有他的風味，食完主菜，一杯香濃的咖啡自然少不了，咖啡的苦澀味令人更加懷緬過去，幾十風雨不改，🌬🌧餐廳依然屹立，仍然是一樣的味道，一樣的實惠。👍

這裡應該是本地老牌的扒房，感覺是像花園餐廳那一種類，所以都會向這個級別的水準來評價。第一次來這裡點了兩份牛扒鐵板餐，一份是西冷扒另一份是牛柳，一樣都是跟薯菜和磨菇汁。先來餐湯羅宋湯，湯味相當濃厚，蔬菜和肉還有一些沒有完全煲爛，沒有辣味這個我比較喜歡，比較大部份的餐廳好。再來牛油多士，但我已經把湯渴完了，如果跟餐湯一起來就好了，我就可以沾一些湯來食，不過沒有都沒問題，這多士空口食都好可以，多士是熱上的牛油已經溶入當中…讚！主角牛柳餐來了，感覺沒有大堆頭的，但我喜歡這樣，因為有些餐廳是很大堆頭的令人無從下手，結果薯條都被浸到軟了，但這裡沒有這個問題，我喜愛食的薯條慢慢食還是脆的…再讚！牛柳是叫5 成熟的，切開是看見是剛好的，食下去有牛味也嫩口的，又要讚一個。總括這餐廳是值得一試，有機會還會再來。

好多人都叫我去一間開咗好耐嘅扒房！蘇珊娜 ！一去到見到個門面都知佢一定有佢嘅歷史！👍🏻老牌扒房👍🏻有世紀嘅扒房，喺香港已經好少見 大家一定要去 ！價錢非常有良心！食物質素同味道超出我想像！❤️而且佢嘅服務員有個叫Candy 對食物嘅講解推介都非常之有耐心❤️好細心！其實嚟到西貢真係要食生蠔而餐廳真係有提供！大大隻法國生蠔🦪開蠔開得好！海水味十足！98@2 好抵食！法式田螺牛油🧈焗田螺 牛油岩岩好 無搶咗田螺嘅味道 ❤️❤️超乎我想像吓呢個菜式蒜蓉紅椒酸辣鐵板大蝦 🍤佢嘅醬汁絕！大廚獨門 ！鍾意食洋蔥蒜頭，呢個大蝦，你一定要試！如果有個白飯撈埋佢個汁食真係正到企唔穩 最緊要連佢隻蝦都好新鮮！每一隻厚實！真係大大隻唔係講笑㗎！白酒煮蜆唔太重酒味！適合小朋友都可以食每一隻都有肉！店員Candy推介嘅檸檬特飲 🍋🍋🍋🍋同出面做法好唔同，佢加咗檸檬皮落去提升左佢嘅檸檬香味！揀得檸檬特飲，就一定要夠酸！佢完全做酸味十足！ A5和牛 正正 老牌扒房竟然有得食和牛😱😱入西貢記得去呢間扒房，因為價錢真係良心價！下次一定要試佢嘅鐵板餐！大家可以留意下我嘅IG因為呢一個嘅卡邦尼意粉係充滿咗好芝士！是我拍咗段片係拉芝

因是12:00開門，我是12:00入座第一台，第一台點完成點菜，之後就有3-4台入座（每台都3-4人），各人就座後就點菜。理應我台是最快上餐的。今日都是order第一份洋蔥汁牛柳（5成熟）意粉，羅宋湯，牛油多士，凍檸茶少甜少冰，第二份是西冷牛扒（5成熟）飯蒜蓉汁另上，羅宋湯，牛油多士，可樂，第三份是西冷牛扒（5成熟）黑椒汁沙律薯條，凍奶茶。湯2-3分鐘就好快上餐，跟住1-2分鐘就上多士及餐飲。主菜……….足足等了十幾分鐘（接近20分鐘），重要係上隔離台先，最後先到我地。好，如佢食物跟以前一樣好食的冇問題，湯有點稀，只有多士係即做即上台，但……….牛扒及牛柳全是8-9成熟晒，還有，食物只是暖的，味道已不是以往的味道。***不會再食***

依間餐廳 其實都食咗好多年每次都係會食蒜蓉雞扒配薯菜🤣雞扒嘅味道好特別喺出邊食唔到嘅腌料每隔一段時間 就會好想食佢 宜家大個咗 有時都會諗起佢不過就少咗堂食喇反而多咗叫外賣例牌都係 蒜蓉牛油雞扒配薯菜配嘅牛油多士都好好味👍🏻👍🏻焗到好脆身 又多牛油🤤雞扒嘅味道 堂食同外賣都一樣每一次嘅蒜蓉都會有好多🤭食完個口一定臭🤣🤣🤣 不過，無論係叫外賣定係堂食等候嘅時間都比較長少少所以建議要預多啲時間午餐仲好抵食添！

【買少見少老字號扒房】咁啱去西貢STAYCATION🥳問朋友夜晚有咩推介，朋友即刻講可以食呢間！佢有時入開西貢晏就都會食呢間😋我個人係好中意食鐵扒好JENG🥩所以決定試下呢間🤤呢間係1974年開業充滿歷史📽️佢牛油多士都幾出名🍞.🍴牛油多士烘得幾夠！巨量牛油🧈好邪惡😈好想繼續食😛.🍴龍脷柳餐（💰:188)佢等候時間比較耐⏰可能因為即炸！香煎龍脷柳煎到外皮夠脆，勁大塊🤣魚肉好厚又嫩滑！推介❗️.🍴什扒餐 （💰:222)雜扒有豬扒、牛扒、雞扒、火腿、腸仔、 薯條🥩呢款牛扒普通啲，比較韌😢.🍴西冷餐 （💰:192)牛扒叫咗7成，好有牛味， 又有肉汁🐮食落幾淋煎得啱啱好👍🏼-🔖扒餐包括1 牛油多士 ➕ 羅宋湯/忌廉湯➕主菜➕飲品➕甜品😚.🔖MENU選擇好多， 有唔同嘅扒餐、小食，仲有LUNCH MENU，會抵食啲🈹.🪟佢裝修好復古🤎好懷舊！有2層，不過都唔大！建議BOOK位！下層幾FULL㗎🪑.🎉生日慶祝都幾有FEEL，見到隔離枱都係慶祝.💡份量都多，飲品有待改善.💡SERVICE有待改善，叫咗我哋上2樓，冇STAFF，啲嘢要自己拎，連落單都要特登落返去叫佢，仲要等勁耐😂.💡有加一服務費💲-💎推介

朋友話試呢間去到嘅時候下層坐爆，要喺出面等但見有人出嚟都無得入🥲點知原來個staff唔記得左我地🫠不過睇得出嘅人手不足最後我地坐上層，有好多位😂..始終有返咁上下歷史環境都有啲懷舊但一坐低個staff就清潔隔離嗰張倒瀉嘅野食仲不停咁鬧 🙃牛柳呢個價錢嚟講 份量👍🏻但味道個人認為一般洋蔥圈好大份問staff拎左沙律醬 正焗菇 正常發揮.我地有一個無嗌setstaff見到都照送個多士 👍🏻

星期日同老公下午會搭船去半月灣，再行去橋咀島，首先要補充體力食lunch先。我揀左去我一直想去既餐廳。因為有午餐，所以唔食鐵板餐啦，平好多之餘，我諗塊扒都相差無幾既姐，好彩唔駛加一。牛油多士Feel到搽左好多有鹽牛油，多士都鬆脆既。羅宋湯正常味道。西冷牛扒五成熟，配蒜蓉牛油汁，跟薯菜，西冷有啲筋，唔算軟腍，薯菜無乜味，一定要蘸茄汁食。牛柳五成熟，配黑椒汁，跟意粉，牛柳相對厚肉啲同腍啲，意粉唔會黏埋一舊，意粉好食。餐飲兩個都叫左凍檸茶。

好有誠意既鐵板餐，牛油多士超級好味勁多牛油，牛扒超正。環境舒服，靜靜地食下飯，打卡就一流。員工服務態度好好，又有心做，絕對值得一話試。紀念日同慶祝生日就好岩。😇

西貢難得有間好耐歷史嘅扒房，而Fat boy我好鍾意食肉同食扒，當然唔會放過去食嘅機會啦蘇珊娜嘅價錢唔算平，平日晏就lunch set唔叫鐵板，齋叫扒連加1都要成舊水。但我出咗糧，咁就豪豪地加多少少錢叫個鐵板餐啦但食落同出面茶記嘅雜扒餐無太大分別，加個鐵扒同唔加嘅又好似差唔多…..咁就貴咗成百蚊…..認真唔平不過佢個多士係幾好食嘅，烘得都幾脆，加埋d牛油同蜜糖都幾ok但價錢同食物質素都唔成正比，fat boy叫茶餐廳雜扒餐好過