海膽仔

营业中

休息中

睇左好多食评同youtube都有推介呢间位于新蒲岗，主打海胆嘅日式餐厅。虽然话扫街姐，但行得耐都要坐下咁嘛，所以决定嚟食个午餐😏。星期六下午1点零，唔驶等位直入。海胆三色丼 $138平时喺出面食个三色丼，价钱多数都要百尾，但呢度只系$138，价钱非常亲民。每个丼都包一碗汤同沙律，汤料有豆腐、海带、油扬，算丰富，而且唔会太咸。三色丼包括三文鱼籽、加拿大海胆、吞拿鱼蓉，三款无特别出色，正常发挥，唔会有鱼腥或怪味，海胆亦够甜。性价比几高，丼饭好大碗，即使男仔食都一定够饱!!博多猪软骨拉面 $68以呢个价钱预左用有碱水味嘅拉面，可以接受。猪软骨有两大件，肉炆得够软烂，但软骨位未够淋、硬左D，我估再炆多半个钟会更好。追加三文鱼刺身(4切) $32三文鱼厚切，正常货。追加牛肉薯饼(2件) 32无特别，胜在够热够辣口。餐厅座位几多，有两层；平均百零蚊已经食到个饱肚刺身丼，加上午市无加一，性价比几高。