沙嗲王 (MPM文華商場) (已搬遷) 新店位置

白咖喱猪扒饭，个白咖喱有水准，唔会好淡，唔辣，味道啱啱好，猪扒份量都好多，但系略嫌有少少硬，软身少少会好啲，点埋汁食，都算唔错，个饭软硬度适中，捞汁食饭好开胃。生炸鸡翼值得推荐，炸得好香口，里面好多汁，仍然有鸡味。可以拣要两只定四只定系六只。炸馒头新鲜炸起，唔会硬身，个皮好脆，内里松软，配合埋炼奶，小朋友大人都啱食，价格合理，份量又OK。餐厅系用app自助点餐，环境好大，有好多枱，但系侍应唔多，服务一般。