影片
更多
2024-06-04
741 浏览
都好多年无嚟过「太兴」食早餐啦，其实无咩特别原因，只喺美孚有太多选择喇！不过最近收到 中电送赠嘅现金券，趁快手用咗佢，费事过吓过吓唔记得就嘥咗。正正好耐无嚟过「太兴」食早餐，所以，就过嚟叹返下！环境都喺一般茶餐厅格局，绝大多数都喺卡位，而星期六朝嚟到，都几多客人，感觉大都喺街坊街里。餐牌选择唔叫多，两大板睇晒，不过已经好够选择，以二维码自助落单。附近好几家茶记，啲粉面都喺一款𩠌，再加腿蛋呀、餐蛋呀……配多士，但我哋两个所拣嘅粉面餐就单单两款𩠌放埋一齐，无配多士嘅。枱侧抽柜，就摆齐晒啲餐具、餐纸，茶记嘅惯常设定。顶级午餐肉滑蛋米粉 $40唔知点顶级法，总之餐肉就喺类似长城牌白猪仔𠮶质素，都切得够厚身，煎得香口，平时老婆就要煎熟蛋，但今次因为啲𩠌料放晒入汤，所以，滑蛋佢都OK，唔使转，而啲米粉煮得啱啱好，无过腍，亦唔会有未熟嘅感觉，同埋啲份量都几多。柑桔蜜平时老婆就多数拣热柠水、好立克，今次见到有款柑桔蜜，当然更加啱佢饮啦。虽然都喺现成货开冲，但味道又确喺唔错，几香柑桔味，酸酸甜甜咁。沙爹牛肉滑蛋通粉 $40小弟就继续晌茶记食沙嗲牛肉通（或者公仔面）系列，一个热奶茶，一个沙爹牛，我觉得喺茶
环境都喺一般茶餐厅格局，绝大多数都喺卡位，而星期六朝嚟到，都几多客人，感觉大都喺街坊街里。
餐牌选择唔叫多，两大板睇晒，不过已经好够选择，以二维码自助落单。附近好几家茶记，啲粉面都喺一款𩠌，再加腿蛋呀、餐蛋呀……配多士，但我哋两个所拣嘅粉面餐就单单两款𩠌放埋一齐，无配多士嘅。
枱侧抽柜，就摆齐晒啲餐具、餐纸，茶记嘅惯常设定。
顶级午餐肉滑蛋米粉 $40唔知点顶级法，总之餐肉就喺类似长城牌白猪仔𠮶质素，都切得够厚身，煎得香口，平时老婆就要煎熟蛋，但今次因为啲𩠌料放晒入汤，所以，滑蛋佢都OK，唔使转，而啲米粉煮得啱啱好，无过腍，亦唔会有未熟嘅感觉，同埋啲份量都几多。
柑桔蜜平时老婆就多数拣热柠水、好立克，今次见到有款柑桔蜜，当然更加啱佢饮啦。虽然都喺现成货开冲，但味道又确喺唔错，几香柑桔味，酸酸甜甜咁。
沙爹牛肉滑蛋通粉 $40小弟就继续晌茶记食沙嗲牛肉通（或者公仔面）系列，一个热奶茶，一个沙爹牛，我觉得喺茶记嘅首本嘢，普遍嚟讲都好少会衰。而呢度嘅沙嗲牛肉都几大件，又唔会碎湿湿，腌得入味，几腍滑，个沙嗲汁推得几香浓，沟埋落啲汤度，食起嚟通粉都特别好味啲。题外话，通粉煮得啱啱好都唔喺必然，好多时啲快餐店hea做，煮定一大盘，啲通粉真喺腍晒。至于件炒滑蛋睇样好似几熟吓，但其实入口就几嫩滑㖞，又有蛋香。
热奶茶小弟就安惯例嗌热奶茶，呢度嘅热奶茶算唔错，茶底够芳香，好有茶味，茶奶比例够平衡，口感都够细滑。
平时两公婆食完早餐都会行吓上马骝山，因为稍后有啲事情要办，所以，今次就行吓荔枝角公园 ，打个大转，其实一样好舒服，兼且帮助消化。
张贴
