極尚大瀛喜日本料理

营业中

休息中

今次电话订枱订左星期六5:30pm可以食两个钟$220加一、星期六嚟讲又唔算贵。佢应该五点钟开始因为上到去已经有人食紧，啱啱开始唔算多人但去到七点几已经差唔多爆场。⬇️出面饮品小食区好似多选择过以前、有冻虾同埋冻青口仲有烟熏鸭胸。仲有我最钟意嘅蚝油豆苗带子仿鲍片不停新鲜出炉任拎，老火汤应该系虫草花都饮咗两三碗。刺身同埋寿司都同以前差唔多、炸物熟食都系好快上枱，等得最耐系炸榴梿。今次遇到嘅收碟同收钱姐姐都好有礼貌、佢仲话我哋嘅战斗力好低好快就好似饱咗！送嘢食嚟𠮶啲哥哥系冇乜反应可能已经行左几百转攰到喊。⬇️花胶、咖喱炒蚬、白酒煮花螺、天妇罗、炒牛柳粒、香煎银雪鱼、切件鳗鱼、冷乌冬或者肥牛煲都仲有 ⋯ 甜品除咗𠮶个热食嘅椰汁乜鬼之外、出面啲雪条雪糕饮品都可以塞爆你个肚。都食得开心嘅 ⋯ 真系饱左成晚。不过阿妈有一样野唔满意佢话女厕全部冇厕所板、如果系阿婆𠮶啲去厕所就唔知点算 😩 个个扎马到脚软。