小伊甸 (已結業)

今日星期六出门早咗，八点钟左右就去到观塘地铁站。 跟住沿著平日出嘅地铁站D3出口， 一行出去就见到对面工厦二楼有间小伊甸餐厅。之前星期六早到的时候我都有去过呢间食早餐，觉得入面嘅环境舒服同不太多人。 我当初以为入面系band房， 因为入面有唔少乐器结他喇叭音响等等。今次入去都系坐同一个位，就喺收银柜台前面。 急不及待就叫了一个西式嘅早餐， 有鸡扒同埋火腿奄列，还有一块厚厚多士。 加四元要了杯咖啡。 鸡扒炸得好脆同埋几好食。 火腿奄列都够味道及炒蛋都好滑， 厚多士就不过不失。 即磨咖啡色相就几好，饮落都ok。问咗侍应，原来平时呢度系做餐厅，礼拜日系会有崇拜，所以呢度会有好多嘅音响设备同乐器。我觉得呢度环境唔错食物都唔差， 看menu其实呢度系一间台式饮品料理， 如果下次中午得闲，可能去呢度食午餐。