The French Window (已結業)

餐厅环境唔错，全部座位都望到维多利亚港，影相都好靓。当日去食大约六成full，餐厅服务一般，可能因为疫情关系，只有两个waitress。饮完水要自己叫人斟，服务员唔会主动去留意客人需求。餐前包点都ok，食嘅时候都暖暖哋同几软熟，唔够可以要求再添。今次前菜系生蚝，无特别，唔鲜甜。餐汤系洋葱汤，个人唔太钟意个味道，味道似加咗水嘅洋葱汁。主菜拣咗猪腩肉同安格斯牛扒。猪腩肉整得好入味，有80分，配菜同猪腩肉好夹。至于牛扒，我叫咗7成熟，grill的部分太lone，有少少苦，牛扒嘅牛味都好一般，胜价比好低，建议选择猪腩肉。今日甜品系焦糖炖蛋，好好味。一向好怕焦糖炖蛋炖蛋有阵蛋腥味，但呢个炖蛋完全冇蛋腥味，亦唔会太甜。总体嚟讲，如果对食物冇乜要求，呢度适合同朋友食饭倾偈。