小河內

营业中

休息中

呢个舖位本身都系一间越式餐厅，之前望过餐牌，价钱唔吸引，所以无再留意呢个舖位。唔知几时转左手😯，星期六居然都有下午餐，而且仲几抵食，最贵都只系$48 (包热饮)，仲要无加一、多选择、份量唔会细细份摄牙罅😏。碳烧猪颈肉捞檬 $48猪颈肉好多，起码有6-8片；虽然好薄，亦无弹牙口感，但调味唔差，而且外层微焦，食果阵仲暖暖地，加上唔贵，下次嚟都会点佢🙂。碳烤香茅猪扒饭 $48估唔到仲有一只太阳蛋，不过只蛋已经冻哂..😅猪扒有两大块，而且有少少厚度，啖啖肉。不过香茅味偏淡，而且系炸出嚟，比较热气。香茅鸡翼饭 $48生牛肉汤河 $45碳烧猪扒三文治 $38其实系越式法包，不过无用蟹膏，改用沙律酱同牛油；法包烘到好脆，猪扒份量好满；芫茜放面，中意就自己加。略嫌酸萝卜份量少左D。顺带一提，餐厅下午茶星期一至六下午2点开始，星期日及假期要2:30先开始。以后星期六我又多一间饭堂选择🙊。