鍾廚

营业中

休息中

虽然话系饮早茶。但其实都只系十二点前埋单啫。钟厨并唔系一间好早开门既酒楼。主要食佢10至12点早茶。因为连星期六日都有早茶优惠。大中小点做六折，而且免收茶位。响铜锣湾区真系超值。而且唔似普通卖卓头既餐厅。呢度既大中小点都有好多选择。两个人叫左7 样野食都系$132 埋单。当埋午餐食真系好抵。叉烧酥既酥皮唔会太油，但都好松化。叉烧分量适中，唔会太多爆晒出黎亦唔小。蔗虾既虾胶比较特别，系有切细粒左既虾粒。话系瑶柱珍珠鸡，无瑶柱亦无鸡有虾米、猪肉、咸蛋王。山竹牛肉有四粒，两个人分啱啱好。龙虾汤炸云吞，云启皮既𫑷水味重。龙虾汤有虾味，但比较唏。排骨同金钱肚味道唔够浓。金钱肚无左咬口既感觉，豆卜都唔够入味。地方光猛、唔算坐得好逼。唔洗加一同埋收茶钱。而且无逼人埋单既感觉真系好好。对味道唔大要求既系一个好选择。