山一 (已結業)

星期六。 下午。 阴天第2次嚟日山康城，好耐冇食日本野，所以就拣左山一。门面都几特别，佢位于商场既一角，近出口位置,要d时间去揾。Lunch Set都几多选择，有一页系鱼生，寿司，有一页系全熟既食物，生同熟都各自有8，9样选择,比起出面餐厅仲要多好多选择，唔惊冇野唔岩食喇我就叫左北海鱼生饭（即系三文鱼，三文鱼子同海胆）成个set就好似上面咁，有汤同沙律，份量唔算多。d鱼生饭唔系白饭咁简单，而系用心制作过既有色有味饭，可以唔使另外加豉油落饭道。之后再叫左两个小食煎饺子，稍为㶶左d,食到有d苦味，不过个馅系唔差。炸鸡，鸡肉嫩滑,Juicy, 个酱有d辣辣地，都几醒胃。我地同小朋友一齐嚟，服务员都会同小朋友玩下，临走前，服务员姐姐仲送左糖仔俾小朋友，系一间小朋友友善餐厅。