Sky726

22/12 星期日中午去食，比想像中少人，好似得两三台客。餐厅冇开灯，全部靠自然光。感觉上装修一般， 同楼上Cafe差唔多，但个景就几开阳。就到圣诞节所以水bar布置左唔同嘅圣诞装饰。餐牌个设计好似一般般，睇咗好耐有似唔够吸引。羊架唔so唔un。好食！简单制作但已经好好食，黑松露同薯蓉系绝配。呢个食法都几得意，田螺有牛骨髓嘅味道。牛骨髓嘅精华仲可以配小多士食埋。临近圣诞同男朋友都想打下卡，request系甜品上面写Merry Christmas~ 柠檬蛋白炸弹几值得试！因为出边食唔到，同埋佢呢只黄色好靓，影相一流。有蜂蜜、柠檬、蛋、cream嘅味，好食的，仲会俾埋一个锤仔你，要自己博烂佢先可以食。叫咗一杯有薄荷、vodka、云呢拿、棉花糖嘅signature cocktail，不错不错，但个人觉得棉花糖唔好咁焦好味d。最后买单两个人$600，整体来说性价比OK的，post上story都有啲睇头。星期日晏昼唔多人所以可以坐到窗口位。