意八餐廳 (已結業)

今日到咗黄大仙中心揾食，见到依间今日唔使点等枱就入咗去食，大概等咗十分钟就可以入座， 午餐嘅选择好多，有饭有意粉有pizza甚至有拉面，可以适合自己同朋友唔同嘅需求，方便各自唔同选择，但可能因为防疫问题，所以啲位都分得比较开，而且有啲位坐得比较迫夹，两人座位要打侧身先可以入到😭， 今日嗌咗 pizza，乌冬同埋一份薯角，再加白汁煮蚬。份量适中，150蚊食到饱一饱都算唔错，不过略嫌pizza太多汁，员工态度十分之好，喺埋单嘅时候好清晰可以知道一定要用八达通先可以有泊车优惠。 埋单只可以拣用八达通或者现金，平时用开信用卡嘅朋友要注意一下。