點心到 (廟街)

营业中

休息中

同朋友经过仲见到新开左一间点心店，咁岩星期日早冇人排队就入咗去食。铺面算欢堂，座位都舒适，点心叫完都几快送到。黑金流沙包一眼睇落去觉得好吸引，可惜入面既酱唔系太流沙，包比一般点心店细，味道算okay。卡通流心芋蓉包 个样好得意，比起黑金流沙包，芋蓉包既流心做得好好，又唔会太甜，推介！金沙脆皮银萝肠 有豉油浸左一阵，肠粉好滑，入面仍然好脆，相信系好新鲜咁即叫即整，推介👍蜜汁叉烧肠叉烧好足料之余，肠粉亦都好滑👍虾饺 虾肉够爽，仲有两粒同四粒拣，就算少人黎叫都冇问题！五香咸水角 上出黎仍然又热又脆，入面烟烟unun，好食👍烧汁酿虎皮椒 鲜虾腐皮卷 酱皇金钱肚笼仔煎蛋牛肉饭饭蒸得粒粒分明，到食左先记得影相😂。椰丝香芒卷芒果够大够足料，饮完茶仲有甜品表示满足😋点心到价钱适中，唔算太平或太贵，不过点心份量普遍比较细，建议数量可以预多少少。