神石燒牛扒專門店 (已結業)

前兩日嚟食過一次，覺得唔錯價錢又算貴，部分套餐肉既份量仲可以擇200G、250G或者300G，所以星期日再嚟食過。今日叫咗一份200G牛膈肌，一份200G牛舌同埋一隻生蠔。我會比較喜歡石燒牛舌，配埋紫菜白飯同洋蔥湯，絕對可以encore。牛膈肌要好好控制生熟度，食幾多切幾多，如果一下子切哂，食到最後可能會因為燒得太耐過熟。如果覺得石板已經唔熱，可以同職員講換過塊新既。水、紫菜飯、洋蔥湯同餐具都係自助形式，可以因應個人食量去調節份量，呢個做法唔浪費又好貼心。平日晚餐時段唔會等太耐，但weekend就要等下位。非常推薦大家去食！