神石燒牛扒專門店 (已結業)

突然想食燒肉 諗起屋企附近好似新開左間就去試下毒 食完再睇Openrice 原來好多差評😧衛生環境一般張台黐立立 好油 通風唔好 好焗好熱叫左個188澳洲牛套餐 牛就得幾塊 米飯就好似隔夜嘅 嗰啲紫菜飯素潮曬 淋曬又冇蓋冚服務態度還可以 可能冇乜人 態度好啲 但係樓面得一個真係做到嘢咩？廚房入面都好似得一個吖叔 呢間嘢味道一般 仲要收加一 完全唔值呢個價 低質店鋪😓

從來無喺open rice寫食評 竟然俾呢間激到我寫第一次 我中午一開門就入去 塊地勁黏好多油漬 應該無清潔過 飯overcooked太多醋好難食 同埋有咩理由一開門湯已經好似見底咁 飯又好似擺左好耐 肉正常無咩評價 唔想有人再中伏 大家睇路🙏

年紀大左連胃口都無咁好所以都唔可以下下食放題因為太易飽了我宜家寧願食精緻啲呢個價錢有個火鍋/石燒仲可以任添飯、沙律、湯其實都夠食，唔錯洋蔥湯幾清甜沙律用料新鮮餐牌方面有啲難睇唔知邊啲係燒邊啲係hotpot最失望係無得獨立叫牛舌餐火鍋方面湯底幾有誠意豆乳湯香滑夠濃石燒其實都幾大油煙但尚算接受到肉上面都有鹽花調味適中加配項仲抵食加左帶子同牛舌帶子調味唔夠，好淡牛舌是薄切的肉質唔錯但留意唔可以燒太耐否則會UN會返轉頭食

平時食開都不過不失，第一次經網上訂位見有七折（只係幾個餐會有折，主餐牌冇折），就係嗰下俾佢吸引咗，事後諗返同平時食差唔多價錢😓呢幾個有折扣嘅餐，食物完全唔掂😤😤我叫咗個什扒餐，塊牛扒同雞扒好似快餐店早餐咁嘅質素，另外出面refill啲飯好似冷飯咁，有生米仲要只係暖嘅🤦🏻‍♀️ 最想講抽風極差，成間舖煙霧離漫，有幾下真係濁到咳，食完成身一陣味，連手袋都吸晒味，所有嘢要洗過先得… 總括嚟講，今餐嘅感覺真係好差好差，短期內都唔會再去😡

本身好鐘意神石燒呢間餐廳，有段時間每月至少食一次，當時係荃灣店，點餐係用機，職員會介紹餐牌，即時入錢落部機度，不用加一。當時覺得性價比高，$200左右就吃到高質和牛，坐位雖然逼但衛生都不錯，而且座位設計是不會面對面對住其他客人，尚算舒適。之後工作完左就無去荃灣，所以一段時間無食過，直到知道柴灣會開，本身好開心，之後可以成日食啦！但開張之後去過一次，已經完全唔係果回事。食物，衛生，服務都非常一般，可以話係差，座位逼就梗，設計係要面對住陌生客人，類似大家樂4人枱，可能2+1+1位，感覺唔舒服。而職員的態度，令我覺得我黎食野係咪得罪左你? (呢個我明，因為得一個人做，佢做到忟都正常，心中應該講緊粗口，X ，又有客🤣) 然後果次埋單200幾蚊加一，非常不滿足，之後都無再去。但今日見openrice book 有7折，諗住比多次機會，可能之前新開張唔夠人手姐，點知都係一樣受罪🙈印象中職員都係上次果個黎，仍然係得佢一個，做到生無可戀甘，openrice booking 佢都無睇過，無確認，叫我企埋一邊等陣，問我電話，態度似審犯甘，我當下即刻決定走啦，5折都唔會再book，落番樓下阿參食下午茶算，平

店面只有一人工作 (傳菜，清潔，收銀)，沙律和飯沒有 refill，夠膽死冇哂先去煲飯  啲餐都唔係平，呢個價仲會有其他選擇，仲要收10%服務費 (完全冇服務) ，唔會再有下次。

$600蚊/2個人唔知食左咩垃圾d牛唔退冰都送上黎勁大油煙蜆湯送上黎係凍既加追既豬勁難食咁垃圾既餐廳！環境勁污糟，d沙律菜同紫菜成枱都係冇人得閒搞，同埋個天花d燈唔知係咪吊著蜘蛛線

比200幾蚊叫左個A5和牛肉眼扒 黎到都唔係扒黎 係6片薄切牛片… 好啦，諗住咁少 應該好高質啦 點知6片都係擦子膠嚟 完全冇牛味 食咗一舊即刻冇晒食慾 以後唔會再嚟！！！！！

燒烤師又出手了🥩今次去神石燒order 了209放題 加 A5和牛100g每個set 都可以任食自助沙律、黑豚牛舌洋蔥湯、和紫菜飯飲品任飲，雖然無熱飲提供，但有湯、有暖水👌🏻套餐包括：極上原條薄切牛舌芯美國CAB 黑安格斯牛肩胛扒美國安格斯牛隔肌漢堡扒澳洲M7 黑毛和牛每款肉都大大份，啖啖肉，這價錢來說已經不錯了要小心石板剛上的時候是超燙手‼️熱力不夠可以問店員更換一塊新的熱石板如果店內的抽風系統可以改善一下會更好神石燒（柴灣）地址：柴灣柴灣道233號新翠商場3樓324舖

橫隔肌好好味，極上原條厚切牛舌芯都好味,黑安格斯牛頸脊味道不錯。黑毛豬和雞肉普通。洋蔥湯同紫菜飯好味，沙律不過不失,飯品種類選擇不多。不得不提經理待客態度非常好。

第一次去試這間新開石燒，見平時都好多人等位，終於今日動身去試食，點知完全中伏。點了兩份300g牛肩肉一份牛舌心，一份壽喜燒($298A5嗰款)牛肩肉都不過不失，但order時係叫黑椒汁，嚟到變左蒜蓉汁。都算，牛舌沒有驚喜也吧，最離普係個sukiyaki，收咁貴都唔係問題，最差係隻雞蛋換兩次都係壞，同個經理反映都係得句唔好意思就算，一點成意都冇，就算茶餐廳都會話比個折或者取消個order啦。佢成個集團都冇咁做個marketing點training架，個經理都唔似係做開咁。唔會再有下次去食

呢間係屋企附近地鐵站商場嘅石燒，由佢未開張已經諗住一定要試下，因為平時午市懶得等位，最終到最近weekend同媽咪睇完戲先帶佢黎試一試🤭🌟檸檬塩糀薄切牛舌&牛五花盛呢個係新嘅夏日限定菜式，牛舌同牛五花排得好靚咁上碟。牛五花肉味較濃，肉同脂肪層次分明，有咬口。牛舌煎好一邊，反轉鋪少少檸檬塩糀🍋，再滴兩滴檸檬汁👩🏻‍🍳 唔好燒太耐，入口鮮嫩鬆軟，加上檸檬塩糀調味，酸酸哋，唔油膩之餘，仲幾開胃🤤🌟 日本鹿兒島A5 和牛肉眼 (200g)🥩媽媽想食A5和牛好耐，今次叫左200g孝敬下佢。上枱份量好足，見到均勻嘅油花，媽咪即時心心眼😍😍放係熱石上面，睇住佢啲油慢慢溶化，慢慢變熟，真係好治癒🥰🥰A5級肉質真係好軟嫩，好juicy🤤🤤🤤牛油係口腔化開嘅感覺好幸福，肥幾磅都抵! 每張枱上都預備左燒汁同調味料，不過如果食和牛，只要撒少少鹽同胡椒已經好好味😋食肉食得腻，重可以係自助區攞沙律(粟米、椰菜絲、青瓜)，洋蔥牛脷湯同白飯(係日本珍珠米，重有紫菜碎比你整紫菜飯😍)。洋蔥牛脷湯好足料，好甜，估唔到可以咁煮洋蔥湯👍🏻整體嚟講呢一餐性價比高，咁就腳相信以後我會經常encore😂😂值得一讚嘅仲有呢度啲職員殷

🔹️今次經OP訂座到位於柴灣新翠商場 "神石燒牛扒專門店" 試吓➡️石燒午市假日限定套餐, 價錢十分親民 , 店內地方不大, 但也有卡位, 店員服務稱心🧑‍💼🔹️我們分別點了2 Set美國牛膈肌盛合和2 Set韓牛1++盛合, 每位一罐汽水🥤沙律、 日本珍珠飯和豚肉湯以自助形式無限添加🥢🔺️美國牛膈肌盛合🐮🐷🐔美國極級安格斯牛膈肌100g美國無激素走地雞50g西班牙極豚肉50g🔸️美國極級安格斯牛膈肌以厚切安格斯牛膈肌, 濃郁牛肉味, 油花較少, 啖啖肉🤤🔸️美國無激素走地雞雞皮薄、肉質有彈性、味道鮮甜細膩😋🔸️西班牙極豚肉油脂分布平均, 肉質細嫩幼滑👍==============================🔺️韓牛1++盛合🐮韓牛1++100g美國特级牛舌100g🔸️韓牛1++以薄切韓牛, 味道鮮甜, 能鎖住肉汁Yummy😋🔸️美國特级牛舌肉質軟嫩, 幼滑多汁👍🔸️另外加點2份帆立貝共4隻大大粒啖啖肉帆立貝, 味道鮮甜😍

因為呢間「石燒」牛肉店都係開咗無幾耐，大家係呢個柴灣商場裡面，都排隊排哂長龍咁，真係隨隨便便都要等45分鐘先有位。咁都好啲，呢個係派籌形式咁去入座。我同屋企人都排咗差唔多 45分鐘先入到（可能 4人位比較難入座，2人檯會快小小但都要 30分鐘），入到去，白飯 / 沙律 / 牛舌湯 係放題嘅，所以 你只要叫一個餐就點食都會飽。因為原理係，會燒熱個塊石，同埋會放一塊 3成熟左右嘅牛肉上塊石板度。咁樣做會令牛扒個外皮 不斷加熱變成「焦燒」、「柴皮」。***其實要切開一片片嘅牛肉片，然後慢慢放上石板上燒先係正確食法。飯係日本米煮，幾好食。配牛排係唔錯嘅選擇。佢白飯上有紫菜可以加，都係放題嘅。沙律有幾款醬汁，牛舌湯都好足料唔淡口嘅。咁我叫咗塊牛肩扒US Prime，唔貴 $110 左右 200g。唔算太靭，有肉味嘅。建議第一次都係食啲平嘢去感受下個質素先。再幫襯就叫貴小小嘅order.

前兩日嚟食過一次，覺得唔錯價錢又算貴，部分套餐肉既份量仲可以擇200G、250G或者300G，所以星期日再嚟食過。今日叫咗一份200G牛膈肌，一份200G牛舌同埋一隻生蠔。我會比較喜歡石燒牛舌，配埋紫菜白飯同洋蔥湯，絕對可以encore。牛膈肌要好好控制生熟度，食幾多切幾多，如果一下子切哂，食到最後可能會因為燒得太耐過熟。如果覺得石板已經唔熱，可以同職員講換過塊新既。水、紫菜飯、洋蔥湯同餐具都係自助形式，可以因應個人食量去調節份量，呢個做法唔浪費又好貼心。平日晚餐時段唔會等太耐，但weekend就要等下位。非常推薦大家去食！