幸鮨屋 (已結業)

店员尽责，有提醒我地摆只手去一个仪器度量体温。台同凳都干净企理。我叫左一个叉烧拉面，五十八蚊。落左单一分钟之后，店员就会奉上面豉汤同埋沙律。面豉汤味道刚刚好，唔太咸。沙律用左芝麻酱。我好欣赏我个拉面入面啲材料嘅摆法。尤其是啲紫菜︰1/4湿，3/4脆！不过我食到其中一块鱼板冻冻地。可能系响雪柜度拎出来无几耐挂？于是我将第二块鱼板浸耐啲先食。去厕所嘅路系半露天嘅，同埋有薄嘅灰色地毯垫住，不过地毯有啲湿，要小心行路。每张台都有湿纸巾供应，值得一赞。堂食嘅筷子系即弃嘅，唔系咁环保。