祥仔辣辣 (雅蘭中心) (已結業)

经过门口见佢星期日都有套餐就入咗去试一试。酸菜鱼拉面，有得拣拉面或米线，我就拣咗拉面，唔辣。拉面普普通通，反而酸菜同鱼有惊喜，与一食落去好新鲜，汤底好够味，辣海南鸡饭，本身以为系只鸡本身已经麻辣去煮，点知嚟到原来系有麻辣酱，鸡唔点酱汁都唔辣，好啱唔食得辣嘅人，鸡好滑，好好食，最抵嘅三小拼，只系需要加$30，拣咗蒜泥白肉，尖椒皮蛋，拍青瓜，三个都好好食，好新鲜，尖椒皮蛋最好食🤣最后加咗两杯嘢饮，蜜桃梳打+咸青柠，配辣嘢真系爽。每枱会有一壶热水，本身以为系茶，点知得热水，不过都唔紧要，环境坐得好舒服👍🏻👍🏻