和記餐廳

营业中

休息中

嚟过呢间餐厅几次食下午茶，印象中味道几好，不过完全唔记得咗食过啲乜嘢，今日喺西贡行完山，又再嚟呢处，谂住食过番寻味。虽然仲系下午茶时间，但系今次冇叫下午茶餐，叫咗个常餐嘅星洲炒米，包例汤同一杯嘢饮。例汤先上，几好味，但系我饮唔出系乜嘢汤😆。跟住好快星洲炒米就嚟埋，真系好大碟，卖相都OK，但系味道一般，冇乜咖喱香味亦都唔辣；仲有果啲米粉好硬，浸唔透，连我咁钟意食硬身面条、米粉嘅人都觉得佢太硬。星米里面有啲虾仔，细细只不过几新鲜， 但系𠮶啲火腿丝就味道麻麻，如果可以改用叉烧丝就应该好好多。冻柠茶味道一般。嚟过呢度食几次，今次系味道最麻麻嘅一次😅，可能厨师唔叻炒星洲米。