影片
更多
2023-01-26
1863 浏览
放工买咗飞喺iSquare睇戏，顺便喺商场食晚饭。呢度有唔少餐厅，我哋拣咗未食过嘅「星怡」，位置喺三楼中庭旁边，非常方便👍。餐厅环境唔错，门面以至家私都采用湖水绿色，感觉舒服清新。同时，窗边位置更可俯瞰弥敦道街景🌃。新加坡浓汤福建炒面($118)，🥢炒面称得上色香味俱全，佢无用老抽或黑酱油炒，所以卖相呈金黄色。面条方面，一道菜包含两味，即油面同米线，两款面质都几弹牙，而且仲好挂汁。炒面望落好似偏湿，但其实啱啱好，每条面都好惹味，闻落仲充满虾香🦐。佢另外仲提供咗柑桔同特色酱，客人可按个人口味选加。炒面夹杂唔少配菜，例如有鱿鱼、鲜虾、蛋丝同埋肉片等。鸡脾辣死你妈椰浆饭($78)，椰浆饭系马拉特色菜，又名辣死你妈。🥥椰浆饭看似平平无奇，但其实真系渗出淡淡椰香，并配有其他经典食材，如煎蛋、花生、炸鱼仔、青瓜同辣椒酱等。𩠌料我要咗炸鸡脾🍗，完全无谂过系咁巨型㗎啰，炸皮层有啲似吉列皮，记得要衬热时，如果冻咗就会硬；而鸡肉肉质就好嫩滑。蒜片炒青龙菜($88)，第一次听青龙菜，所以就嗌嚟试吓，点知味道咁独特，唔太啱我口味🙈。青龙菜嫩绿💚，炒得几爽脆，蒜味适中，但菜本身嘅草青味太浓；后尾上网睇先发现原来
放工买咗飞喺iSquare睇戏，顺便喺商场食晚饭。呢度有唔少餐厅，我哋拣咗未食过嘅「星怡」，位置喺三楼中庭旁边，非常方便👍。
餐厅环境唔错，门面以至家私都采用湖水绿色，感觉舒服清新。同时，窗边位置更可俯瞰弥敦道街景🌃。
新加坡浓汤福建炒面
$118
37 浏览
0 赞好
0 留言
新加坡浓汤福建炒面($118)，🥢炒面称得上色香味俱全，佢无用老抽或黑酱油炒，所以卖相呈金黄色。面条方面，一道菜包含两味，即油面同米线，两款面质都几弹牙，而且仲好挂汁。炒面望落好似偏湿，但其实啱啱好，每条面都好惹味，闻落仲充满虾香🦐。佢另外仲提供咗柑桔同特色酱，客人可按个人口味选加。炒面夹杂唔少配菜，例如有鱿鱼、鲜虾、蛋丝同埋肉片等。
鸡脾辣死你妈椰浆饭($78)，椰浆饭系马拉特色菜，又名辣死你妈。🥥椰浆饭看似平平无奇，但其实真系渗出淡淡椰香，并配有其他经典食材，如煎蛋、花生、炸鱼仔、青瓜同辣椒酱等。𩠌料我要咗炸鸡脾🍗，完全无谂过系咁巨型㗎啰，炸皮层有啲似吉列皮，记得要衬热时，如果冻咗就会硬；而鸡肉肉质就好嫩滑。
蒜片炒青龙菜($88)，第一次听青龙菜，所以就嗌嚟试吓，点知味道咁独特，唔太啱我口味🙈。青龙菜嫩绿💚，炒得几爽脆，蒜味适中，但菜本身嘅草青味太浓；后尾上网睇先发现原来味道系类近韭菜，我从来都唔食…，哈哈。
紫色迷恋夏日炎炎雪花冰
$78
19 浏览
0 赞好
0 留言
紫色迷恋夏日炎炎雪花冰($78)，虽然系冬天，但都冇阻我食甜品嘅雅兴。🍧雪花冰好掂，佢系喺打冰嘅过程已混入牛奶、紫薯同芋头，并唔系后落糖浆，所以出到嚟系紫色一遍💜，香芋味道浓郁，又唔会过甜。配料包括有椰果、三色蒟蒻、棉花糖同蜂蜜爆珠，我认为棉花糖干身就唔太夹，不过爆珠甜蜜爆汁就无得顶🤤。呢个雪花冰嘅味道比起唔少甜品舖还要出色！
总括嚟讲，呢间餐厅汇合各种星加坡同东南亚美食🇸🇬，菜式选择繁多，有唔少系小菜同海鲜类，不过价钱稍高，而且比较适合一大班人食。佢另外亦设有二人/四人套餐，有兴趣不妨考虑吓。
张贴
