Outdark (H8)

营业中

休息中

劲钟意Outdark，因为无论食物同环境都咁正，今日又约咗朋友嚟聚吓旧，顺便同佢庆祝生日。感觉就好似享受紧星空下的炸鸡😂食韩国菜点炸鸡是常识吧，因为朋友唔食辣，所以我哋就拣咗香蒜蜜糖炸鸡。我钟意呢度嘅炸鸡，系因为佢一定会配埋薯条同薯格，零舍丰富。串串鱼糕汤份量相当多，满满嘅一大兜，里面有串串鱼糕、年糕、狮子狗卷、金菇、萝卜等，真系食极都唔完。而我就最钟意食佢嘅鱼糕，串起嚟食就更加方便。最后我哋都食咗个泡菜猪肉炒饭，炒饭用泡菜连泡菜嘅汁一齐炒，少少辣非常香，配埋大大只煎蛋同紫菜，真系非常惹味。呢个份量我哋三个人食就啱啱好啦！