Starò

营业中

休息中

尖沙咀既staro 餐厅，之前系圣诞节食过圣诞大餐，觉得好食得黎而环境亦都好浪漫，黑黑地配埋灯光好似真系星空咁，加埋音乐背景好放松，今次就黎试一试佢地既tea 。烟三文鱼羽衣甘蓝酱双管粉$88双管粉比一般意粉食落更烟韧，而且因为中空所以更加挂汁，个汁好creamy配烟三文鱼好夹。鱼子酱水波蛋鲜牛油果烟三文鱼配酸种包$88呢个配搭感觉好健康，本身牛油果同三文鱼既味道就好似，一齐食就多左一层口感，加埋水波蛋既蛋黄汁，相当唔错。焦糖开心果巴士克芝士蛋糕$68巴士克芝士蛋糕绵密，最惊会食到好甜就会好漏，用开心果就岩岩好，最欣赏系staff会用火枪烧落焦糖到，有视觉享受之余，冷却之后表面卜卜脆，我几钟意。鲜杂果牛角多士配希腊乳酪$78牛角多士牛油味好特出，希腊乳酪入面再加左燕麦，好似轻盈版燕麦杯，可以中和牛角多士既牛油，就唔会觉得太油腻。