百樂門囍宴 (已結業)

本身所有家庭聚会都系去赫德道百乐门, 虽然分店多, 但服务及食物质数却差天共地. 今次拣左几款每次去都必食既菜式介绍- 冰镇鲍鱼, 我本人好怕食鲍鱼, 因为成日都系到un既鲍鱼, 所以兴趣不大, 不过呢个系我唯一会系既, 淋得黎系鲜甜既, 系估唔到冇加工过又冇汁点都可以有咁既味道- 虽然系普通乳猪, 不过每次都系即烧, 上左枱先即剪, 新鲜热辣, 皮脆卜卜超好味- 汁烧桶蚝系我至爱, 冇得食会唔开心既, 今次细只左d, 平时大大只, 好重蚝味, 加埋个秘制烧汁真系冇得输- 回味牛肉, 系赫德道百乐门既招牌菜, 旧旧都又淋又入味- 带子黑豚肉, 黑豚肉肉质非常好, 加上好钟意佢带子夹一点虾膏果个味道, 唔识形容, 好好味- 唔记得左个名系咩白雪, 不过卖相一流, 系龙虾肉同蛋白, 健康之选- 汶龙趸, 入面有冬菇同埋好似腐皮咁既野, 好丰富, 个汁同入面所有食物都好夹, 又唔腥, 推介首选! 唔洗次次食蒸鱼咁闷- 烧鹅, 今次拣左鹅, 系真鹅唔系鸭, 取代左只炸子鸡, 简单菜式, 但新鲜热辣点都好食架喇已经好饱.... 好满足..... 其实仲有个樱花虾炒饭, 都系我最爱, 不过唔记得左