百樂門囍宴 (已結業)

星期日黎尖沙咀飲茶同區鴻星愈飲愈貴 已經樂耐冇去啦今日同男朋友去左百樂門飲下茶好彩星期日都有位因為我地都1:30左右先到達一到步立即order♥️雪山叉燒包♥️♥️♥️♥️♥️♥️♥️♥️♥️♥️！！！！！必食！！！！！同埋春風得意卷但蒸排骨 同 燒賣非常之油膩😱😱有一層油係上面😰😰😓😓😓最後再加多個流沙包非常邪惡～～～但由於呢間野座位較密集 所以非常嘈如果想同家人傾下計仔可能去the one 陶源酒家就好坐d啦

唉.....太失望！話說3個月前約左朋友仔嚟尖東呢頭玩，去咗呢間百樂門囍宴飲茶，因為方便同小朋友一齊坐～除咗點心，呢度令我最印象深刻嘅就係龍躉煎米粉！因為果次嗰個米粉真係好好食！米粉煎到金黃色，外脆內軟，魚又夠滑又大舊，配埋茨汁，真係冇得頂！今次又約咗同一班朋友嚟呢頭玩，咁就決定返呢度食啦，因為一直都好掛住上次嗰個煎米粉，實在太好食！！好可惜....今次同上次完全係兩回事😭個米粉又厚又唔脆不在話下，仲要啲魚又鞋又細舊，完全係兩樣野，一上枱其實已經好失望，諗住試吓先啦，試吓可能好啲，點知....同職員講只係話可能師傅煎得厚左，就完啦⋯⋯唯一值得讚嘅係煎薄餐，夠脆又足料！仲有鵪春旦燒賣、馬拉糕都係新鮮好味道既，不過下次都唔知再返唔返嚟食好喇🤷🏻‍♀️

星期五早上得閒，同老公兩個去飲茶，近近地去百樂門酒樓。叫了早晨孖寶， $29.8 有一個香茜牛肉腸粉加蝦乾排骨飯，睇吓質素好唔好先？腸粉夠熱亦夠滑，豉油味道比一般高級酒樓醎少少，但我覺得夠味啲也好味啲；牛肉有香芹味亦都打得唔係太爛; 說真的我覺得比$60一碟嘅高級酒樓更好食。排骨飯有四舊排骨，肉多個骨；飯軟硬適中，推介👍👍👍蝦餃皇，現在的蝦餃下一定蝦大隻，所以就要睇下皮啦，蝦餃皮口左少少硬左少少，薄啲更好牛肉球當然唔錯，$9.8 3件大大件，得碎咗仍然有粒粒嘅質感，有牛肉味中間有少少馬蹄，我鍾意！

早2日同亞媽出開尖沙咀行街，經過赫德道，發現有間百樂門喜宴，於是諗住去飲茶，貪佢唔使排隊🐒🐒🐒鮮蝦腸粉，🦐大隻又彈牙，正👍🏻👍🏻👍🏻薑汁雞包仔，好味，好多餡，Yummy回味豬手仔，煮得好入味，爽口彈牙，值得推介！！！紅燒bb鴿，好juice，肉本身已經好夠味，因為很惹味，所以我不用點調味料。乳鴿皮好香脆，但唔會炸得太乾身，真係外脆內軟嫁，一定要試試！奶黃流沙包，好大個呀😍好多奶黃，真係好流沙嫁😆😆性價比高，下次經過一定會再黎食🥰🥰🥰

見好耐無飲茶，於是就係公司附近搵間酒樓買點心做早餐哩間酒樓我都係第一次幫襯，行去收銀度問收銀姐姐要點心紙想嗌外賣收銀姐姐即刻黑面叫同事"拎張正價嘅俾佢"(點心紙上面寫住早市7折，我唔知外賣有無折，所以都無乜所謂嗌啦)嗌左以下6樣，其實都幾貴...問題唔係在於價錢，係在於收銀姐姐嘅態度！攞到點心紙後，我行開一邊諗食乜，之後就行去收銀櫃檯點餐，因為手上無筆，又唔係點好多，所以就係櫃檯快速圈左兩下。收銀："行開一邊寫"我："你支筆串住晒，我行唔開"收銀掉支紅筆過黎，係掉！唔係攞！收銀："行開一邊"(佢當我係狗？收銀姐姐啲語氣真係好似叫狗咁架...)到左收錢，問佢要返張單，依然係掉俾你！收銀姐姐個樣係全程黑面，語氣極差！我真係忍住唔同佢嘈，哩間野真係自尊心高啲，面皮薄啲，EQ低啲嘅人都唔好去食...外賣嘅唔係客？定外賣唔使俾錢？如果間食店係唔做外賣嘅大可以同人講，唔使用啲咁嘅態度囉...本人自問全個過程都真係好有禮貌，唔該前唔該後，都唔係一入黎就粗聲粗氣。其實收銀姐姐唔想做咪唔好返工囉！一朝起身咁嘅面口，財神見到都走。然後返到公司打開袋點心...俾少左燒賣囉...打去問酒樓，佢地竟然叫我去拎返

真係第一次嬲到咁, 有無人試過無食過都上黎打食評~呢間野, 12月2日係第一次聯絡佢, 聯絡人係男既, 叫咩哥就唔開名啦,12月10日亦都CONFIRM左菜單, 而菜單亦好清楚寫明2019年元月25日, 由於知道年近歲晚, 好多人會團年, 要BOOK房就一定要早, 所以係12月2日聯絡完佢,佢話已紀錄後, 經過長氣又長氣地追佢, 係12月10日就寫好菜單, 經WHATSPP定左案,由12月10日, 至1月5 日呢段時間, 不斷打電話同酒樓聯絡了解落訂事宜, 但遲遲都唔需要我地落訂. 仲同我地講信得我地過,直至1 月5 日晚上, 職員突然主動聯絡, 話佢MARK錯左日子, 1月25日攪錯左無留房,話1月24日有位, 叫我地提前, 試問點會無啦啦知道呢日呢個客係邊日, 又會記得呢個客MARK錯日子?!我地表示菜單都出左, 日子都清楚, 點會MARK錯日子呢, 佢只係話, 你地無比錢, 咁訂第二到或者改早一日,我地係3888任包10人份, 而家佢所謂既無MARK日子, 係咩原因大家心知肚明.那有這樣做生意! 仲話做婚宴, 點將大日子交比你 !!!

這裡一星期七日午市都有八折，尖咀區算超值。點心水準可以，干蒸牛肉不死實，如果多一點芫茜或檸檬葉或陳皮吊味更好。 鮑汁叉燒包，就食唔到有鮑汁味，但夠汁，肉不多，味道平凡。 潮州粉果餡料豐富新鮮有咬口， 如果熱一點更好。 帶子脆瓜腸粉只係大點， 估到翠瓜多個帶子， 但我吃了兩舊都沒吃到帶子， 乃始料不及， 所以不願置評！ 臘味芋粒炒飯幾香口， 飯亦炒得乾身，但卻出奇地淡口味， 少鹽少油健康嘅！ 最好食係沙律明蝦角， 炸得不油膩，夠脆口，餡料又豐富， 好過食蝦餃！ 下次一定會再叫。

在尖沙咀我最愛就是去百樂門這間已經吃過無數次 今次就黎寫個食評午市必點雪山叉燒包如果太晏有陣時就食唔到這間酒樓是我在尖沙咀吃過基本所有菜式都無伏蝦🦐餃燒賣牛肉球 正常發揮乾炒牛河 唔會成個底都係油相中既炸兩就比教普通 而已無甜醬花生醬☹️混醬係精髓所在以尖沙咀黎講 性價比鴻星及the one 既酒樓高可以是因為這間酒樓要行一層樓梯吧？其實尖沙咀既食肆都係比較人手不足雖然好難叫到人落單但佢地既員工 笑容都很好 不會黑面或煩躁這是我常來既原因之一

五月節如果我不主動出擊：就沒辦法有糉吃⋯SOS 那感覺會不會變傻子到百樂門飲早茶姊妹朋友較中情食飯很便宜的小小一個又愛好青菜正是咸魚青菜各有所好我擺明就是要食端午節糉這裡設有梘水糉⋯⋯蓮蓉非常不錯👍咸肉糉差強人意配上一小碟醬油一碟白砂糖內部只有肥豬肉⋯⋯的油和豆22.8$😞一只梘水糉⋯⋯18.8$比較受歡迎看單才知盅飯真抵吃兩個才15.6$🤑每次最好吃都總是煎鯪魚餅極新鮮魚滑沒一點腥味用了涼瓜打碎實在是繁忙時間內的傑作本人讚

發覺自己頗喜歡飲午茶，繼上次煌府午茶後，今次與朋友2人決定試試百樂門囍宴，看看適吾適合成為往後2人Lunch time 的「飯堂」。自動門開啟後步行樓梯上1樓步行樓梯至1樓便會看到接待處（圖中左方）。當日到達時分大約12點，已經有不少茶客正在享受他們的點心，而大部份枱都少於4位客人，相信應該挺適合我與朋友2人午茶。飲茶基本孖寶-茶壺+洗餐具盆及醃蘿蔔前菜。純白色茶壺（圖左）為熱水，藍色花茶壺（圖右）為熱茶當日大約12時到達，屬午市。茗茶費為$10/位，留意返逢星期六、日及公眾假期，所有點心一律八折！注意！注意！每位午市客人均可贈送1隻百樂門蝦餃皇，千萬不要錯過免費食蝦餃既機會。午市更推出了多達20款特價食品，函蓋不同種類包括蒸點心、小食、炒粉麵飯和甜品。仲有一款你喜歡。贈送百樂門蝦餃皇：蝦餃並沒有因為贈送而變得迷你或馬虎。仍然是一貫酒樓品嚐到的水平，此蝦餃味道更濃郁，比其他酒樓來的重味，蝦餃皮頗薄而且黏筷子，餡內的蝦亦頗爽口。鮮竹牛肉球：牛肉球不平的外表令我知道梳打粉的份量較少，而牛肉相對的比例會提高，所以牛肉球的牛肉味也較特出，但平均每顆牛肉球均有一舊咬不開的根。雪山叉燒包：吾知大家

妹妹說好久沒有飲茶了,就來這裡地方雖然很大，環境舒適下午茶人不多，好易有位好肚餓兩個人叫咗四籠野食。另外再加魚香炒米鮮蝦腸粉皮滑，蝦肉爽口彈牙山竹牛肉 ，牛肉本身較淋味道十分普通。潮州粉果 ，呢個麻麻, 個皮唔煙韌所以唔鍾意蝦餃一籠四粒，大大粒，鮮蝦爽口，還有少少荀粒增加口感。最值得欣賞。魚香茄子蚊米好少茄子咸魚粒香口味道不錯濕度都剛好，份量多D重好茶相當濃的普洱茶，正好用來減肥呢度四點就冇得叫野食喇三點半就要埋單今餐的點心水準甚高,環境可以服務你就真的不要要求那麼多係冇得十全十美的

又走一個同事了 人生要有多少福氣才可以遇到好同事！臨別在即，farewell飯一定不能少。由於今次參與人數眾多，我地就揀咗去百樂門食海鮮餐。就我個人而言，百樂門既水準係幾浮動，尤其係點心方面。但之前情人節黎食過晚市又唔錯，所以今次就決定揀佢。咁當然佢可以一次過可以容納到12個人都係好主要既原因之一。首先上菜既六小碟，拍青瓜係我最鍾意食，因為個醬汁做得幾好同青瓜好脆好新鮮。另一方面，我亦好鍾意師傅係拍散青瓜而唔係切開。因為用拍散既方法係有效加快青瓜吸收醬汁的速度。滷水豬手味道都不錯，好入味唔算好鹹，食落亦唔算太膩，淨係覺得食咗好多骨膠原落肚。口水雞好麻好香，但我鍾意加辣少少就更好。主菜開始陸續出場，排名不分先後。冰鎮鮑魚，好有睇，隻隻都好大隻。肉質都算彈牙，但味道本身既味唔算好重，加少少豉油好d。龍蝦伊麵好正，好香好好食。龍蝦肉質係爽同彈牙，用葱爆炒過好香，而d麵吸曬d精華，超好味。上湯花膠時蔬，相對清淡，尤其食完好多濃味既野食，食完唔會膩。如果花膠再厚d就好。其他食物都唔錯，我淨係重點揀我最鍾意既食物。最後食咪個壽包就功得圓滿，埋單都係3000幾蚊，人人都飽都嘔，超抵。

Saturday morning gathering with friends We have chosen the Chinese restaurant to yum cha and blow waterMeaning talk about no big deal personal stuff......I think the Siu min is the best food here every one has a bowl of steam rice I have a thousand years congeeTaste good A little slice of pork Some thousand years egg minced I also like the green tea fried cake with sesame But of course not very delicious Just a bite on most dim sum Because mama ladies uses to cut everything in toPieces to share

當天在尖咀睇完早場, 一行四人想飲茶嘅下午茶但原來現在的酒樓假日做下午茶的不多, 行到來稍近尖東的這條赫德道, 又是百樂門的”囍宴”! 由於地點關係格局比較上做得漂亮一點, 這店有做下午茶, 茗茶$7/位, 所有點心一律七折, 點心品種也齊備, 惜做得好的不是太多, 腸粉皮算是其中一款做得不錯的點心, 飽類也可以的, 但最不濟的反而是鮑汁鳳爪, 鳳爪pre-cook得過了頭之餘,汁分了試上下兩層, 面層是近1cm.厚嘅油, 底層只是一個豉油汁而非鮑汁, 蝦餃皇比較袖珍之餘餃餡也非全隻蝦肉, 有一部份是蝦膠之類的混合物, 眉荳豬骨粥明顯粥還粥,豬骨則是用上了排骨, 眉荳是少之又少, 煎藕餅是只有蓮藕碎,魚膠,沒什麼臘味只有少許蝦米碎, 同時表面沒怎樣吸過油就拿出來, 雞扎則是芋頭代魚肚的, 炸兩除咗個腸粉皮依然好之外條油麵條似是番炸過, 只有硬脆口感, 麻醬同甜醬都唔太出色, 炸菜肉絲炒米是唯一個炒野, 反而呢個做得又唔錯喎! 味道沒有過咸,少辣! 個汁同米粉全部撈勻,

本身所有家庭聚會都係去赫德道百樂門, 雖然分店多, 但服務及食物質數卻差天共地. 今次揀左幾款每次去都必食既菜式介紹- 冰鎮鮑魚, 我本人好怕食鮑魚, 因為成日都係到un既鮑魚, 所以興趣不大, 不過呢個係我唯一會係既, 淋得黎係鮮甜既, 係估唔到冇加工過又冇汁點都可以有咁既味道- 雖然係普通乳豬, 不過每次都係即燒, 上左枱先即剪, 新鮮熱辣, 皮脆卜卜超好味- 汁燒桶蠔係我至愛, 冇得食會唔開心既, 今次細隻左d, 平時大大隻, 好重蠔味, 加埋個秘製燒汁真係冇得輸- 回味牛肉, 係赫德道百樂門既招牌菜, 舊舊都又淋又入味- 帶子黑豚肉, 黑豚肉肉質非常好, 加上好鍾意佢帶子夾一點蝦膏果個味道, 唔識形容, 好好味- 唔記得左個名係咩白雪, 不過賣相一流, 係龍蝦肉同蛋白, 健康之選- 汶龍躉, 入面有冬菇同埋好似腐皮咁既野, 好豐富, 個汁同入面所有食物都好夾, 又唔腥, 推介首選! 唔洗次次食蒸魚咁悶- 燒鵝, 今次揀左鵝, 係真鵝唔係鴨, 取代左隻炸子雞, 簡單菜式, 但新鮮熱辣點都好食架喇已經好飽.... 好滿足..... 其實仲有個櫻花蝦炒飯, 都係我最愛, 不過唔記得左