紫蝶花 (已結業)

前晚到pop corn买野，逛逛下去到将军澳中心，见1楼有舗头好似系卖行李箱，就上去睇睇，越行越入，原来里面都好大，有几间食店新开，见有间butterfly pea 居然有肉骨茶，睇黎系主攻星马菜，费事再捻就入去坐底抖抖。两人叫几样唔系甘饱肚的就算。出乎意料，每样野都好大碟，足够3-4人份量，如下：千层糕：很香椰汁味，入口烟烟韧韧，有80年代传统椰汁糕舖头水准；肉骨茶：药材味不重，肉腩很新鲜，唔会膻味，汤清甜；牛油果虾沙律：新鲜大虾铺在沙律菜上配上牛油果芒果汁好夹，开胃，真推介；酥炸软売蟹：南洋风味，软売蟹炸得酥脆，咬落唔会整囗油，保留白蟹肉鲜嫰。鱼饼，食落比较干身，味觉比较一般，略咸，幸好足够柠檬草配搭。店环境：风格是简约，整洁，座位唔算多，分卡位，餐台位，座位宽松，坐得几舒服唔逼，家庭和朋友都适合，最紧要份量够，唔需要就著食。服务：服务人员人手充足，细心，服务态度不错。埋单二人约$420，CP值不错。PS: 睇黎将军澳中心要做多D宣传，楼上1楼尾原来别有洞天，唔使下下中庭就返转头。