星味工房 海南雞專門店 (已結業)

成日黎联和墟呢头都无认真食下d特色菜，今次就黎试下星马菜啦！入到店，侍应好亲切，会行埋黎介绍下餐牌。先试海鲜喇沙米线，喇沙味好重，带有少许椰味，好香浓。而配料方面有豆卜、鱼片、虾、青口、蛋、菜心，相当丰富。特别想讲个鱼片，好索汤味，而且味道鲜甜。而虾有两大只、青口一大件，估唔到呢个价钱食到咁丰富既海鲜，而且仲要咁鲜甜既，好值得推介。麦皮香蕉，好有特色，亦都系令我最惊喜既一道菜，香蕉熟到软身香口，配合埋麦皮同埋七味粉，食落口感、味道都好丰富。咸柠七，香港已经好少餐厅有得饮，够酸够咸，系一杯好够地道既咸柠七。