星味工房 海南雞專門店 (已結業)

今次黎到嘅餐廳，正所謂"食在有味"，真係令我味蕾一整個開心🌟！個海南雞飯，嚟講真係霸氣側漏咁好味，雞肉滑過絲襪，唔使醬汁都自然鮮甜。俾心機既配搭，黑醬油帶點甜，勁夾雞肉。飯粒分明，又夠香，溜得好，一啖接一啖，停唔到口🍚。至於個紅豆冰，跟餐飲料，唔單止清涼解渴薄荷清新，仲有飽滿既紅豆，每啖都覺得幸福系數爆燈💕。店鋪雖小，但佢既厚度同溫度，絕對係市區難搵既。呢度既食物俾到我哋惊喜又滿足，飲食簡簡單單，但就係咁簡單，每一口都可以食到心底嗰份暖，真心推介！話說返，呢度既食物就算唔係味蕾上行旅，都算係味道上旅行，值得一嚐再嚐！🍽✨

朋友推介我專程帶年過80的雙親來品嚐, 一上菜即見份量頗大, 雞做到皮脆肉嫩, 同店主（亦係廚師）傾談得知佢原本係香港燒味師傅, 後來獲星加坡文華酒店聘請所以在獅城居住十多年, 相信大家都知星加坡文華酒店一份海南雞飯收費為港幣200以上, 所以這裡的價錢真係十分超值！個人覺得用𣲙鮮雞可以做到呢個水準實在難得, 我建議要白飯因為油飯較飽肚。順帶一提：例湯真材實料, 比起在大部分餐廳附上清到似水的雞湯, 這𥚃的湯已超出預期。期待下次光顧我會試娘惹咖哩牛腩😋

事緣3月3號唔需要戴口罩，約咗屋企人出去食晚飯，見到一間食海南雞又有其他星洲美食的小店，就入去試一試，這樣就出事了。坐低叫了2個無骨星州雞飯和一個燻蹄，那個所謂招牌菜（星州雞飯）的皮非常之肥＇而啲肉又非常之”孩”，冇錯，我真係唔知佢識唔識得整，隻雞咁肥，都可以整到啲肉咁”孩”，仲有，味精超重的湯，飲完就大鑊，真係好難形容（睇番網友的留言，原來已經話味精重）。比較正常一些的燻蹄，味道可以，但老細刀工太小學級，變咗「厚切燻蹄」。Comment 就比咗，試唔試就閣下自己決定！

係香港好少接觸到新加坡嘅食店，一船食海南雞都會係食泰式嘅。因為好奇下新加坡嘅海南雞所以就去左試呢間。叫左招牌嘅海南雞飯，由於我未食過新加坡式嘅海南雞我都唔知佢正唔正宗，但我就麻麻哋鐘意。雞件冇雞味，好淡又冇味，但就好嫩滑嘅。油飯好甜，佢比起泰式平時食開嘅油飯甜，亦都較深色。星洲雞飯海鮮喇沙米粉個湯好淡，唔好味，唔夠喇沙嘅香料味。而海鮮配料就係預期中嘅兩隻蝦仔、兩片魚片、一隻青口同半隻蛋。海鮮喇沙米粉 ($55)

本先想試大統領，點知無開，之後想試泰豐，點知都無開，就打電話問哩區嘅朋友，有邊間係好味，而朋友介紹，話聯和墟哩間星馬餐廳出名幾好味，見門口個牌寫住想試嘅飯，每個都係約$50樓下，好似都可以試得過，就叫咗2個飯外賣試吓，點知...⚠️ 係我唔好，無睇清楚行手寫細字，寫晚市A-F餐要＋$2@... 而門口個牌，同店內個牌顯示價錢嘅方式係唔同嘅...所以我下次睇嘢要小心啲...⚠️ 而又因為附近好多間餐廳都係外賣自取有折，所以哩間餐廳外賣，反而要額外收多每個$1，而睇哂啲海報都未搵到外賣要額外俾外賣費，係有啲愕然。 老闆娘話坐喺店度食會好啲，但我婉拒咗。💳 另外，店有貼住可以用信用卡，但老闆娘話我先共埋一百元左右，只可以俾現金。好彩有足夠現金，唔係嘅話都幾尷尬...🍍🐷 菠蘿咕嚕肉飯豬肉較韌，罐頭菠蘿，味道普通，份量都充足。但就係好普通。🍗 馬來黃薑炸雞脾配黃薑飯雞脾好夠大隻，啖啖肉，炸得脆而又唔鞋👍好味！ 係差在個黃薑飯，無咩黃薑味，而且好乾😅 縱使炸雞脾的確係好味，但$51買1隻炸雞脾，實在太昂貴喇...🥣 每個飯都送一個湯，個湯係好足料嘅青紅蘿蔔湯，仲有啲煲到好淋嘅雞腳👍 唯獨鹽重手咗，鹹

呢家係聯和墟嘅新加坡小店已經係到好耐，食過幾次，覺得唔錯。其中肉骨茶同海南雞係比較出名嘅。今次經過就決定再幫襯返。海南雞油飯雞肉嫩滑，雞皮同肉之間有少少啫喱，平時都唔點食雞皮，但今次都可以連啫喱加皮一齊食，當然前提係唔係太多油脂啫喱係情況下。油飯同之前食開嘅唔同，之前食嘅可能有椰漿或雞汁嘅，但呢個感覺唔止呢兩樣，仲加多咗料，雖然睇唔出同食唔出係咩，不過都好好食。新加坡肉骨茶最近係咁食肉骨茶。呢個肉骨茶比起上次食嘅，湯比較甜，調味底料(或者叫香料)比上次食嘅豐富。呢到嘅油炸鬼係正常脆度嘅，上次食果個太硬啦！呢到嘅就啱啱好。呢到嘅排骨係燉得比較軟身嘅，排骨都好有鮮味。值得一講嘅係！肉骨茶湯係免費再添多一碗嘅！沙嗲雞肉串日常套餐再加$18就有3串。沙嗲味好夠，肉就係細細舊，但個人唔太特別喜歡。整體黎講都唔錯！職員同老闆都好熱情，呢到嘅餐廳都係做街坊生意多，可以係到開咁耐，相信口碑都唔錯嘅。住呢頭附近嘅話，應該都會時常黎幫襯。

食過幾次 海南雞個套餐 絕對可以encore個湯冇味精 成日都想問 可唔可以飲多碗牛展$55 個汁好出色酸酸甜甜 越食越想食炆得好入味 唔會過冧過硬星洲海鮮黃姜飯唔好叫 唔好嗌 完全係個伏我食咗一啖之後 直情想換過佢個set $50度海鮮來來去去都係嗰幾味個價錢唔會expect 你比新鮮嘅海鮮我但你標明咗星洲 有菠蘿嘅？個飯甜？就咁叫個星洲炒飯 仲好食過佢千祈唔好叫呢個餐 嘥錢就係呢個飯 我俾咗個評價一般嚟到星味食飯 搞到我唔夠膽叫其他set🥲

叫左招牌雞飯，無論賣相、質感同味道都係唔錯，員工都好有禮貌。不過油飯唔係食開個隻，雖然雞的確夠滑，但無雞味。最大問題係未食完餐飯，口已經感覺到口渴，到底係湯定雞飯醬料都出事，就真係要問店家。落咁重手味精，餐飯都未食好就已經想飲水，真係好耐未試過咁。一係材料唔新鮮，一係就廚藝唔及人要味精先搭救。如果係一時失手都有得講下，否則咁嘅味道同係聯和墟都要$68價錢，仲可以咁多人讚好食，香港人的口味或者係獨特d。好食嘅野未必咁深刻，但唔掂嘅一定記得，因為食完中午直到依家仍然非常口乾！無下次

不想食麥記又不想食普通茶記，點算好？前幾日就去咗一間有肉骨茶食嘅食店，鋪頭面積不大，但地方整潔。今日食咗娘惹咖喱牛腩飯同埋星加坡豉油雞油雞撈麵。咖喱牛腩好淋身，入口即化，咖喱就係星咖坡味道，成碗汁都差唔多食晒😜如果下次再食豉油雞撈麵，可叫他們加多少少少豉油汁，我想會更出味，不過今次食已經覺得好好食😋

一向喜歡吃星馬泰菜式 不只一次專登遠赴遠處去品嚐 不過最近受疫情影響 不可以四周去試試看看 那只好留在上班地區附近找找看好了最近走過粉嶺聯和墟發現呢間星味工房 不只n_cc最喜歡的海南雞飯 還有喇沙娘惹菜等等 雖然舖面細小 裝潢不怎麼樣 不過整潔企理 尤如家庭形式 招待周到 不說不知道 原來大廚曾在新加坡五星酒店工作 還得過美食大獎 回流香港後與友人合開呢間星味工房 主打正宗星馬菜  望望餐牌 選擇不多也不少 價錢更是實惠 雖然海南雞飯好吸引 不過還是點了新加坡豉油雞撈麵 同樣是雞 不過口味就好不一樣了 午市套餐跟配都送餐湯 或是可以加錢跟餐飲 餐湯並不馬虎 是合掌瓜老火湯 味道鮮甜可口零味精 雖然不是海南雞 不過豉油雞同樣以慢煮方式烹調 食落肉質同樣嫩滑 爽口細緻 配上特製豉油醬汁 味道更覺提鮮味美 豉油雞味道鹹香香濃惹味 香而不油膩 味道恰到好處跟配既幼麵軟腍剛好 食落柔韌有咬口 搭配醬汁雞肉實在一絕

同朋友去粉嶺，佢見到呢間舖頭好似幾吸引咁就入去試下。黎果陣係星期六既十二點幾左右，唔算多人。舖頭唔算大，座位唔太多。選擇都唔少，價錢都ok。我哋叫左黃金雞湯拉麵，同埋四寶丸喇沙狗仔粉。是日menu。黃金雞湯拉麵。雞湯超正！湯底超濃味，但係唔會好咸，飲完唔會口渴；雞幾滑，但係有少少碎骨；麵幾煙韌。唔錯既選擇，幾好食。四寶丸喇沙狗仔粉。唔太辣，可惜椰汁味唔係好夠。d丸冇雪味，唔錯。總括黎講，味道唔錯，價錢唔會好貴，環境都ok，店員都好有禮貌，值得一試。

因為最近比較多到粉嶺行山, 比較常在這區覓食, 而在粉嶺, 聯和墟就最多美食的了, 今天揀選了這家食lunch。娘惹咖喱牛腩飯$45 - 來是為了吃星洲雞, 這個是隨便揀選搭配的, 想不到味道也很好吃, 牛腩炆得很軟腍鬆化, 咖喱汁惹味, 不會太重香料味, 薯仔就稍為硬少少。招牌星洲雞飯$65 - order雞腿要加$10的, 很幸運我們沒加錢都有雞腿吃, 有中獎的感覺, 雞肉相當嫩滑, 有慢煮浸熟的感覺, 雞皮底似有一層啫喱, 是新加坡吃到的海南雞的樣子, 真令人懷念。附上中式湯, 住家湯的感覺。還有, 店員招呼十分好, 熱情親切, 令人覺得花錢很值得, 又好吃又開心, 食飽飽充滿力量去行山, 下次會再來啊!

我喜愛海南雞飯，平日去開大角咀文華，但家住大埔，有時候真係唔想下下出去九龍。今晚係返附近搵食，評價好，價錢又合理，即刻試試老闆態度好，野食又做得好味，值得一試。推介麥皮蕉，馬拉盞炒芥蘭，海南雞

重陽假期，拜山後到粉嶺漢興茶檔，殊不知休息，之後打算去爵士拉麵碰碰運氣，路過聯和道，看見有間食店，門口有張相片說是得獎㕑師，吸引我停下腳步看⋯⋯2012年星洲得獎㕑師，望入食店又坐滿食客，一於試新野門口已詳盡介紹星洲雞飯由來和歷史，所以雖然要等位一陣子，但作為一位為食貓，是很想了解一下，做定功課，準備入去食乜看完門口大大隻字介紹後，基本上都知道入到食店點些什麼: 雞飯、喇沙、咖哩咁啦假期坐滿食客，大部分都是吃星洲雞飯⋯⋯相信日間和晚間的餐牌大致上都差不多，只是晚餐有星洲孖寶和肉骨茶。招牌星洲雞飯:以$65 這個價錢，分量相當足，配紅、青蘿蔔湯，湯幾足料，所以食完個餐都已相當滿足海南雞入味又夠滑身，碟邊併了幾片青瓜和黑醋小雲耳，雲耳有淡淡的麻辣味道，配上黑醋，少少辣辣酸酸，唔會太過火，我很喜歡，如果多幾個人分擔，必定點一碟黑醋小雲耳來過吓口癮至於那碗飯與平時的海南雞飯是有分別的，平時大多數是黃色，有光澤的油份，但這裡的飯是啡色的，沒有那份油光，驟眼看第一感覺是不好吃，但當我第一啖嚐到就很喜歡，有陣陣葱頭味道，相信㕑師用秘製方法處理過，可能焗過那飯，所以比平時街外的相比，少了那種肥膩的感覺

終於喺粉嶺收工去撳錢之餘 搜尋下附近有乜嘢食俾我搵到一間我最鍾意食嘅海南雞飯餐廳叫做星味工房就入去試一下最方便嘅係門口可以泊車之餘喺餐廳入面坐仲可以望到出去唔使擔心俾人抄牌哈哈餐牌嘅食物多種類選擇而且牆上有黑板可以查看有乜嘢套餐有小食蔬菜等等同埋食物圖片非常吸引呢度嘅招牌係星洲雞飯套餐係價值$65如果要全脾都只係加$10當中包括例湯凍飲或者熱飲都只需要加幾蚊非常抵食不得不讚海南雞嘅份量比較多而且配有三款醬汁鍾意食辣嘅朋友可以點中間紅色辣椒醬汁仲有薑蓉同埋豉油食落去雞肉外皮好薄之餘雞肉質感鮮嫩配以油飯相當好食食咗咁多肉同埋飯最後叫咗一碟馬拉盞炒菜順便可以清一清腸胃食落去通菜好入味仲有少少辣味道 好滋味朋友還點了數款小食同樣地都讚好最後餐飲叫咗熱柚子蜜為呢一餐簡單而好味嘅晚餐畫上句號