亞金南洋茶室 (新都城中心二期) (已結業)

一年几间新嘅冰室进驻将军澳， 好不热闹。这间『亚金南洋茶室』则以南洋特色美食作卖点。新装修夹杂港式茶餐厅和星加坡风貌， 卡位也有 胶板间隔著， 即使餐厅坐满人感觉 也冇咁亲密，放心食～手机scan qr code 下单， 方便简单。『轻怡马来特色虾面』 下午茶餐虾面嘅精髓就喺个虾汤～ 呷一啖味道鲜甜，虾味浓郁。 除咗虾，仲有蟹柳，鸡蛋和豆卜， 丰富美味， 油面啱啱好唔会索晒啲汤～『轻怡招牌海鲜喇沙』下午茶餐南洋代表美食梗系要试， 汤底浓郁得来唔会死咸，有鲜味，入囗好重椰香， 唔辣唔呛喉， 都算系几温和的喇沙～ 拣咗掺掺- 油面拼米粉， 双重口感， 经典嘅组合～ 看看餐牌注明原来辣度可以 自由选择， 中辣大辣也可。这杯南洋奶茶， 如果冇输入要小甜 ，注意系非常之甜～ 充满浓郁炼奶， 系当地人嘅口味！芒果沙冰， 拣选"正常" 甜度， 感觉也非常重手，而且芒果 味道比较人做feel ～一直想试佢哋肉骨茶， 这款下午茶配米粉， 汤底 药材味唔算好浓郁， 而且应该有嘅蒜味也并不突出。 有数条一字骨和豆腐卜 感觉也很丰富。『椰汁红豆冰』红豆软熟香甜， 奶味比较重椰汁味欠奉。『玻璃鱿鱼通菜』水鱿鱼同