南記粉麵

营业中

休息中

之前细个住香港仔，南记真系恩物价钱抵，又饱肚，跟住出嚟做嘢之后，有时都忍唔住会买外卖返屋企食而家公司附近网上外卖平台就可以嗌到，所以成日都同同事嗌。唔知点解佢𠮶个春卷，真系出边复制唔到佢嘅味道，就算其他舖头话系南记春卷，食咗都唔系呢种味。所以每次都嗌春卷，但系又好贪心想食埋腩肉，两条春卷又唔够食。所以永远都系嗌单拼春卷酸辣米线再加一份腩肉先够。酸辣汤底冇得输，佢嘅酸菜又系出边复制唔到，今日嗌外卖，试吓将米线转做米粉，估唔到都几出色，反而觉得米线冇米粉咁好食㖭啊，下次又可以试吓转河粉先。