影片
更多
2016-04-20
852 浏览
几位朋友嘅小饭局，选址又一城嘅千両，皆因地理便捷，观塘线、东铁线交汇，而小弟返美孚亦可选东铁到红磡转西铁，一阵就返到屋企。而且，印象中嘅千两本身都不俗，加上依间千两作为旗舰店自然加多几分信心。除咗佢哋出名嘅朝捕晚尝、产地直送嘅卖点之外，「春季时令鲜の选」嘅季节限定，亦喺朋友嘅好介绍。既然喺旗舰店，跟一般嘅分店当然有别，最大分别我估就喺一入门口位有个抢眼嘅清酒酒吧外，就喺唔会晌度揾到回转寿司带。再者，全店都装修得美轮美奂、时尚摩登，配合柔和光效，让人感觉轻松。味淋鱼亁 $58鱼干入口烟韧得嚟唔会太干身，仲带半分软腍，味道甜甜哋咁，作为餐前小食咬吓咬吓过吓口瘾。梅子青柠梳打 $24朋友要咗点清酒，小弟酒量浅就无谓攞自己嚟搞，一杯冰凉清爽嘅梅子青柠梳打就最啱我，尤其依排突然又上番26、27℃，酸香醒神。如餐牌内页嘅介绍：「走进来自日本关东栃木县的千両，没有过份的奢华，拒人千里之外的包装，有的是传统精湛「江户前」手握寿司手艺……」，所以，佢哋嘅手握寿司又点可以错过。千両特色四点盛 $180比起散点可以悭番$20，4款寿司（大拖罗、和牛、海胆同埋千两寿司）都可以算喺店中招牌，虽然卖相平实都喺寿司
除咗佢哋出名嘅朝捕晚尝、产地直送嘅卖点之外，「春季时令鲜の选」嘅季节限定，亦喺朋友嘅好介绍。
既然喺旗舰店，跟一般嘅分店当然有别，最大分别我估就喺一入门口位有个抢眼嘅清酒酒吧外，就喺唔会晌度揾到回转寿司带。再者，全店都装修得美轮美奂、时尚摩登，配合柔和光效，让人感觉轻松。
味淋鱼亁 $58鱼干入口烟韧得嚟唔会太干身，仲带半分软腍，味道甜甜哋咁，作为餐前小食咬吓咬吓过吓口瘾。
梅子青柠梳打 $24朋友要咗点清酒，小弟酒量浅就无谓攞自己嚟搞，一杯冰凉清爽嘅梅子青柠梳打就最啱我，尤其依排突然又上番26、27℃，酸香醒神。
如餐牌内页嘅介绍：「走进来自日本关东栃木县的千両，没有过份的奢华，拒人千里之外的包装，有的是传统精湛「江户前」手握寿司手艺……」，所以，佢哋嘅手握寿司又点可以错过。
千両特色四点盛 $180比起散点可以悭番$20，4款寿司（大拖罗、和牛、海胆同埋千两寿司）都可以算喺店中招牌，虽然卖相平实都喺寿司一件，但都喺以靓料入馔。
大吞拿鱼腩寿司（散点$45）吞拿鱼唔同部位有唔同名称，老实讲，小弟自问对依方面无乜心得，但不得不赞日本人对食材嘅尊重。油花平均绵密，口感极为细致嫩滑，寿司饭黏糯却分明。
极上佐贺和牛寿司 （散点$45）甚少食生牛肉嘅寿司，敢以生牛足见靓货入馔，而亮点更喺用上佐贺和牛。入口细腻，油脂融化于口腔却唔会有朕生肉嘅感觉，柔嫩好食。
北海道海胆寿司（散点$55）海胆做菜一向甚少花巧，因为可食其本身鲜味，不过，是夜嘅北海道海胆鲜度未及预期，而既腍又韧嘅紫菜绝对喺败笔所在。
千两寿司（散点$55）寿司饭搓成球形，放上吞拿鱼蓉、海胆同炸姜丝，配搭已别树一格。吞拿鱼蓉入口绵滑，炸姜丝脆卜卜，令整体口感多变咗，都喺同一个问题，海胆无预期中好。
蜜柑味油甘鱼刺身 $105既然喺食春季时令，3月盛产嘅油甘鱼顺利成章为餐厅嘅推介刺身。唔喺店员特意介绍，真喺唔知原来有蜜柑味同柑橘味嘅油甘鱼，前者嚟自四国爱媛县，后者则嚟自九州大分县，喺当地渔农加入蜜柑 / 柑橘嚟饲养，唔知有无错，小弟所理解前者就喺我哋平时讲开嘅柑，后者就喺橙。讲番碟蜜柑味油甘鱼，一客6片，片片厚薄均一，加上三文鱼籽、柚子酸汁啫喱、柑肉及葱花，唔单卖相更见细致，味道多元，酸甜清爽，不过，如终加咗少少配料，油甘鱼本身嘅柑味未见话好突出。
朝捕晩尝海の幸（大盛）$430朝捕晩尝海の幸分两款：$240及$430，两者都有5款刺身，分别在乎份量之上。而所选择嘅「大盛」，5款刺身包括：原条伊左木（中间）、柑橘油甘鱼（前右）、樱鱼鲷（前左）、黑睦（后左）、蜜柑油甘鱼（后右）。
原条伊左木除咗原条之外，更连皮、厚切，初时都担心连皮切会唔会令到啲刺身入口有啲黏韧，吖！出奇地又无㖞，层鱼皮仲几爽添，过瘾！过瘾！伊左木嘅鱼味唔算得好浓，但却有种实净感。
柑橘油甘鱼之前食嘅蜜柑味油甘鱼时，因为配搭咗其他配料而未能完成感觉到𠮶朕柑味，不过，依家简单试试柑橘油甘鱼刺身时，更专登乜都唔蘸，入口果然有淡淡橙香，感觉好神奇咁。
樱鱼鲷刺身色泽带粉红如樱花般，所以，俾个靓名佢叫樱鱼鲷，樱花造型就整唔到，卷番个花形都算配合吓。樱鱼鲷肉质虽然唔喺属多油份嘅种类，但食落鲜甜无比，清新爽口。
黑睦印象中樱鱼鲷喺第一次食，黑睦都应该喺，始终对食刺身嘅阅历都喺少，仲有好多学习。唔知自己有无错，黑睦食落鱼味同样比较淡，口感带少许黏。
蜜柑油甘鱼试完个柑橘油甘鱼之后，照办煮碗，又喺乜都唔点就咁将肥美嘅油甘鱼放入口，真喺又嗒到啲柑味，不过，老实讲，橙味、柑味都差唔多，因为味道淡淡渗出，唔喺好强烈咁，所以，个人觉得两者味道唔喺话差好远。
虽然千両俾人嘅印象有少少高档啲，亦比一般回转寿司嘅消费高，不过，不时不食，要食时令好嘢，自然就要付出多少少。之但喺，晌度食番次「春季时令鲜の选」，又真喺唔使一掷千金咁夸嘅。
张贴
