春宵

营业中

休息中

好欣赏呢间火锅店既食材好多样化，好多出面食唔到既配料呢度都有得食，而且都系新鲜高质既，放心咁食！鲜鹅肠系其一，鹅肠好多都系急冻既，鲜鹅肠好难揾到，呢度既真系好新鲜✍🏻渌完口感脆嫩化渣，一啲都唔会难咬，鲜味十足！鲜鸡肠系其二👀鸡肠新鲜鲜味，少油甘香，渌到岩岩熟，口感外爽内软，口味似鹅肠又似猪膶，有啲粉嫩，平时真系好难揾到食到！猪粉肠系其三，难得新鲜唔臭，又唔驶自己处理🤭猪粉肠口感爽脆嫩滑，有啲粉粉地既质感，系正宗既粉肠，有嚼劲又甘香！潮汕手切牛颈脊系其四，高质新鲜，上枱仲阵仲会飘烟添，打卡度十足📸肉质柔嫩又唔会过于肥腻，脂肪好适中，唔会好多肥膏，质感都有咬口，牛味唔少！