Springtime (已搬遷) 新店位置

新年既时候，柴湾唔系咁多铺头开，几经辛苦，揾到间工厦西餐厅。下午入到去时已差不多full house。可能大家都估唔到工业风既工厂大厦会收埋间咁文青既西餐厅，所以都想来试下。餐厅布置几靓，文青mix工业风既装修，有枱同bar枱，一人至一家大细黎食都ok。依间餐厅沿用美式点餐风格，要先睇餐牌，然后出去比钱，拎个牌仔，再会送餐。我地点左个蔬菜意粉+半只烧春鸡配黑松露薯条，再加多杯奶茶同麦茶。等左一阵，餐厅先送上免费萝卜糕，适逢新年，估唔到餐厅几有心。之后先黎左烧春鸡+薯条，烧春鸡系半只，唔会太大。食落去肉质偏实，我自己就麻麻地。而薯菜方面，算不过不失吧，都几好食。最后黎既蔬菜意粉属素菜，集合了不同蔬菜，加上炸蒜油炒，香到不得了，岩晒素食人士，几好食。饮品方面冻麦茶几refreshing，奶茶OK。总结，依间餐厅系柴湾黎讲算少有，味道还可以，但性价比有待提高。如果口痕既话都会黎食下。