現代巴蜀麻辣米線 (已搬遷) 新店位置

由第一次黎红磡经过见到呢间米线铺，然后行入去....就发现....我同老婆都上了贼船....搞到次次去红磡都要食番碗....甚至特登坐船过黎食....亦都搞到食时新都两人share一个~~~XDDDDD今次叫左一个下午茶餐（因为岩岩食左时新）~鸡肉, 菜肉云吞, 炸酱 + 小辣米线~鸡肉都几淋~实际上同其他地方差唔多~菜肉云吞都唔错~不过我都系钟意鲜虾云吞多d~炸酱分开上，冻冻地，食米线再点d炸酱放落口，感觉有趣~重点仍然系个米线~黎到呢间野一定食麻辣米线，唔系都唔知黎做乜~麻既感觉好正，唔似得连锁谭仔得个辣字，可能系一个巴蜀，一个云南吧~d麻辣感染到d米线仲有其他𩠌，真系好好味~~~麻辣鸡翼即叫即烧，又热又辣，又系极品~只鸡翼一定要一上即食，唔热就唔辣，冇晒刺激既感觉~再加豆浆~都唔知边间野谂出黎既配搭~咁就上左贼船番唔到转头~环境其实唔错，出面大马路都唔嘈，夏天入黎个冷气+周围d麻辣气，超正~服务态度又好，老实讲，我都谂唔到有边间铺（卖乜都好）今时今日系真心真意望住你同你讲多谢帮衬~埋单$27~