沁沁麫 (已結業)

期待去依间食肆帮衬好耐， 趁住复活节假期嘅第一日，一个人悠闲地去西湾河拜访一下传说中好味嘅醉鸡卷。依度地方唔系好大，4至5张四人台， 但就有啲似一啲日式嘅餐厅：老板喺里面做食物，同客人嘅距离好接近，大家可以交流，有倾有讲，感觉亲切。我好简单，首先就系点咗醉鸡卷，然后问咗老板，佢哋嘅面嘅做法、选择，记点咗佢哋嘅沁沁面。先讲醉鸡卷，真系好熟于家庭、私房嘅味道，味道适中，令我想起一个会做醉鸡翼嘅老朋友，令人回味，冇得弹。 唯一要挑剔嘅系：个鸡卷嘅鸡肉卷得遍实(?! 我都唔知唔唔啱？)，还是如果鸡卷中间仲卷多一层鸡皮，口感就更加正。(纯粹个人狂想。)至于个沁沁面，系用秘制嘅人参汤淆成，完全冇用味精，汤质浓郁，入口舒服，同样系令人回味嘅，同样系令人有家嘅感觉。而我唯一挑剔嘅系：我觉得西兰花有少少破坏咗个汤，如果有另外一种蔬菜类可以取代，就更好喇。总括而言系非常好嘅体验，我一定会嚟再帮衬，试下佢哋其他出名嘅食物。要说多谢嘅一餐。