十二味 (如心廣場二期)

营业中

休息中

系呢段人人都戴口罩出街嘅日子，个个都尽量避免出街食，难得今日有机会出去聚下，真系要感恩。于是近近地，系荃湾拣左间未去过嘅餐厅。由于大半年前喺深圳食过酸菜鱼，真系一试难忘。一直对于酸菜鱼嘅味道念念不忘，今日终于比我揾到机会喺香港回味下酸菜鱼嘅味道。酸菜鱼真系要有少少辣先至好味，由于唔系食得咁辣，就拣咗最小既小辣去吊下味。汤底辣得来有种麻麻地又酸酸地嘅感觉真系好过瘾。主角鱼肉切得厚度适中，起晒啲鱼骨食落去方便之余仲啖啖肉，肉质嫩滑唔鞋口。除左酸菜好开胃之外，仲有莴荀做配菜，爽口得黎又有多种既口感。配埋阔身嘅薯粉粉条真系两个人都够晒饱肚，粉条晶莹通透，烟烟韧韧嘅口感真系我既至爱。另外仲叫咗个川式口水鸡，卖相非常得体，将啲鸡件排成一个半球体，都几花心机。鸡件少辣地，肉质嫩滑，都唔错。抗疫期间既闲日晚市都座无虚席，可想而之呢间酸菜鱼嘅魅力所在。价钱合理，终于唔使北上都随时可以食到酸菜鱼嘅味道。