影片
更多
2021-05-07
481 浏览
今日经过见门口有位停车就入去帮衬下，之前都又食过几次，咁多年嚟呢间质素都算系几稳定，整体都舒适，绝无赶头赶命𠮶种打仗式。午餐餐牌上嘅set都有十款八款，炒乌冬、牛扒、焗饭，选择都不少，叫左个焗猪扒饭跟埋餐罗宋汤或忌廉汤同个餐包，白汤味道不错，有啲鸡肉粒同蘑菇，唯独系热度一般，再热啲就更好！隔左阵个焗饭就上埋嘞，非常热，份量都几劲下，饭同猪扒嘅比例都几啱，猪扒𠝹开哂，厚度适中，茄汁几香亦唔会过酸过甜，个面仲有焗得几香口兼㶶爆哋嘅芝士面，饭底用蛋炒过亦够干身，食到底亦无乜油，呢个饭食完起码饱五、六个钟😂餐包埋冻饮，冻柠茶嘅味道正常，埋单加一收$78，以佢嘅质素都好合理，招呼都不错亦有效率，呢间餐厅好多旧客，可能太耐历史，虽然有啲comment话好差，不过我食过十几次都觉得整体不错，钟意食啲旧式西餐厅呢间都可以系一个好选择😊
午餐餐牌上嘅set都有十款八款，炒乌冬、牛扒、焗饭，选择都不少，叫左个焗猪扒饭跟埋餐罗宋汤或忌廉汤同个餐包，白汤味道不错，有啲鸡肉粒同蘑菇，唯独系热度一般，再热啲就更好！
隔左阵个焗饭就上埋嘞，非常热，份量都几劲下，饭同猪扒嘅比例都几啱，猪扒𠝹开哂，厚度适中，茄汁几香亦唔会过酸过甜，个面仲有焗得几香口兼㶶爆哋嘅芝士面，饭底用蛋炒过亦够干身，食到底亦无乜油，呢个饭食完起码饱五、六个钟😂
餐包埋冻饮，冻柠茶嘅味道正常，埋单加一收$78，以佢嘅质素都好合理，招呼都不错亦有效率，呢间餐厅好多旧客，可能太耐历史，虽然有啲comment话好差，不过我食过十几次都觉得整体不错，钟意食啲旧式西餐厅呢间都可以系一个好选择😊
张贴