Burgeroom (美麗華廣場1期) (已結業)

喺尖沙咀睇完戏，去咗美丽华行街，就同老公揾下有咩好嘢食，见到就喺美丽华广场有间好出名嘅汉堡店。入到去觉得环境好有美式风格，座位都好阔落。我点咗烟肉芝士牛肉汉堡，份量真系好大份，成个包有手掌咁高。汉堡包面同底嘅面包都煎得好香口，烟肉煎得好香，牛肉食落去牛味都几重，再配上新鲜蕃茄同生菜。食落去可以减轻牛肉嘅腻口感觉。值得赞赏系，佢嘅芝士烧到溶溶地，入口浓浓芝士味。老公就点左大烤菇芝士牛肉汉堡，大烤菇烟熏味都几重，老公大赞👍🏻。其他一样都系有厚身牛肉，新鲜蕃茄同生菜。小食方面，我哋拣咗旋风薯条，炸得非常脆口，都几厚身，所以啖啖薯仔味。仲点咗鳕鱼手指配他他酱，份量有5件。炸皮都几薄。鳕鱼肉好松软，配上他他酱口感一流。