老爹茶居

营业中

休息中

今晚又懒得煮饭，一家人嚟帮衬老嗲，睇住佢以前由商场铺搬落地舖，久不久我哋都有帮衬，由以前我哋嗌两个餐到而家变成要嗌四个餐！阿女今日叫「焗南瓜芝士汁鸡柳意粉」（$74），即叫即焗所以要等一阵，面头有好多南瓜汁食落甜甜地，鸡柳份量不少，仲有杂豆配料。老公叫「扒纽西兰香草羊扒配黑椒汁饭」（$80），卖相稍不吸引但味道不错。两个都属是日精选所以有餐汤、包同饮品，仲有雪糕杯！至于阿仔就拣「酱汁猪软骨拉面」（ $50 ），估唔到佢人仔细细可以食到成碗面。猪软骨炆得好淋，啲骨都食到，份量都不少，汤底都好味。我就想食咖喱，拣咗个杂锦海鲜石头咖喱锅（ $84 ），都几多料有鱼柳、青口、蟹柳、鱿鱼圈、薯仔、虾等等，咖喱有三款拣，我拣咗马来椰香咖喱，比想像中辣，但都好味！送饭一流！为咗有菜落肚，我哋仲叫咗个「火龙果、烟鸭胸沙律配芒果油醋汁」（ $65 ），除咗有菜仲有车厘茄、火龙果，烟鸭胸都算好厚同大件，沙律酱汁不多但都算开胃。由于是日精选嘅饮品大部份都系茶类，唔系太啱我啲小朋友，所以另外我叫咗两杯芒果椰奶，以为另外两个餐加$8可以，但原来呢啲唔属于「餐饮」，所以要加$18。大家如叫饮品可以事前问清楚。但话