穴蔵 (已搬遷) 新店位置

韦哥搞出个十号波，但又无情请十点落，搞到我同要返工既千万蚁民一样，又急又火（无车） ，一怒之下决定豪一次，约埋同事去中环穴藏食个饭，因为我好记得之前杂志介绍过我偶像阿苏都赞good，愤怒口既我决定以最轰烈的方法~炸野去以毒攻毒，平衡心态。因为刚打完风立立乱，我地居然walk-in都有位，听讲平日这是不可能的。经理个样有D似Rock友，但就非常之nice同专业，绝对吾会系摇滚烂仔。我地一行三人，其中一个系斋姑，所以经理就好贴心介绍左个素食餐，再黎个御膳，吾够再补，因为同行两位女士都系报称细食个堆。虽然刺身而加好普遍，但高低手始终有别，从口感至新鲜度都知道系靓货，无欺场。我最期待当然系天妇罗，沙椎鱼、虾同蔬菜口既组合，有咬感，但不肥腻因为粉浆吾厚。而店员介绍用海盐或绿茶盐代替酱汁萝卜茸，又真系吾错，个口唔会湿湿立立兼太多野，清清地更加可以嗒真食材味道。因为意犹未尽我加多个天妇罗虾饼饭，以平复我要返工既燥底心情。个虾饼好弹牙，放饭面可以令到饭吸收油香，鲍足。时间关系，一轮狂风扫落叶，又系时间返回现实返工去，印象good， 晚市听讲价钱好厉害，迟D储够弹药再战江湖。