Miso (已結業)

又到周末，总要俾藉口犒赏一下自己；只要肯行少少路，中环区都可以揾到唔少有水准嘅餐厅嘅。Miso主打铁板烧，一入内有条小梯，边下楼边可以俯瞰师傅认真烹调嘅过程。餐厅占地面积不小，即使厨房为开放式，都唔会有局促感同油烟味。点咗$750午市二人铁板烧套餐。沙律份量十足，犹如小山丘，表面铺上满满蟹籽，入口爆汁充分提鲜；精萃沙拉酱加咗芥末，香甜之余带刺鼻感，令整体更清爽醒胃。餐牌上无标明边六款刺身，由餐厅即日按货源决定，保证质素新鲜鲜美。生鱼片如相中肥厚，特爱带子、吞拿鱼同鲷鱼；带子厚嫩爽口，略带鲜甜；中拖与鲷鱼带明显油香，口感丰腴。餐厅给予自由用膳嘅时间值得一赞。每道菜上菜后约十至十五分钟先再上下一味，一反中环区急促嘅节奏，俾客人真正享受午膳。鳕鱼外皮香脆，鱼皮与鱼肉之间夹住适量脂肪，脂香十足，份量刚好，一人一件不至于过腻；带子以牛油香煎，同刺身一样爽弹，味道中规中矩。本日MVP，薄切肉眼外在焦脆、入口即化，加上包裹住嘅葱花，辛香又中和肉腻，无谂过味道咁出色🤩蘸上烧肉汁突出返肉香，更香口惹味。炒饭加入萝卜、洋葱、小虾同蛋炒成，略微结团，偏油，味道一般。尾声可选咖啡或甜品，餐厅所供应嘅雪糕居然系