金拇指米線 (紅磡廣場) (已結業)

今日去紅磡見完客，要維修手機，所以行咗入紅磡廣場，見到地庫有間餐廳，試一試佢金拇指除咗米線，重有茶餐廳菜式，見到餐牌上個煎封鹹蛋鮮肉餅飯，就佢啦😋跟埋凍飲都係$46，抵食👍好奇怪紅磡廣場個裝修好懷舊feel, 連d鋪頭都好似好懷舊咁😅好快就叫number拎餐，茶餐廳就係呢樣好，又快又大大碟又平，所以永遠都不乏客仔👍肉餅大大塊，入口充滿鹹香，因為煎過，比平時蒸嘅香口好多，肉依然香軟👍正凍檸檬茶無過多冰，一杯夠送飯，茶味未算太濃，整體嚟講，坐得舒適，食物質素ok, 下次會再嚟