毫無分串陀地串燒酒場

营业中

休息中

话说有晚经过呢头，咁啱见到开左间食肆，见饿饿地，加上门口个menu有碟头饭叫，见人少少就冲左入去坐。点知坐低叫嘢，先知道碟头饭系午市套餐，夜晚系主打串烧，叫饭的话就只得一味「和牛炒饭」。 唉！我见肚仔饿就是旦啦，串烧加碗饭当一餐都可以嘅，咪坐低无走，叫左两三款串烧同个「和牛炒饭」医肚。D串烧，印象中其他嘅唔需要等10分钟，结果我饿住个肚等左20分钟先开始上第一款⋯⋯可能我见识少啦，原来系要等咁耐先整好。碗炒饭，开头唔冀望个「和牛炒饭」会足料，咁上到台之后，果然无令我「失望」嘅，因为用眼都好难睇到d「和牛」系边，食落去都唔知有无「和牛」。呢一餐，咁样埋单二百几，其实有啲唔想俾。同时我亦都明白点解间野系「人少少」⋯⋯如果有月光宝盒去时光倒流，我果晚一定食快餐算数。