影片
港铁铜锣湾站 D4 出口, 步行约2分钟
继续阅读
电话号码
26616880
营业时间
今日营业
12:00 - 00:00
星期一至日
12:00 - 00:00
公众假期
12:00 - 00:00
公众假期前夕
12:00 - 00:00
以上资料只供参考，请与餐厅确认详情
和牛炒飯：冇諗過份量都幾多，而且我哋覺得佢嘅炒飯師傅做得非常有鑊氣我同友人都非常鍾意佢本身熱辣辣嘅口感，我哋本身都非常鍾意食炒飯，所以覺得佢啲炒飯都做得非常好，而且粒粒分明嘅感覺令到我哋都整體上幾鍾意，覺得非常可以值得推介俾大家！另外佢嘅黑椒牛仔骨都幾特別，因為好多傳銷舖頭嘅黑椒牛仔骨口感都係用一啲冰鮮嘅貨，所以令到成個口咁都係非常嘅硬，但係佢嘅黑椒牛仔骨，咬落去仲係食到有牛肉嘅味道，而且黑椒調味非常特別，我同朋友都覺得唔錯！另外餐廳用佢哋秘製嘅醬汁燒烤豬頸肉，豬肉嘅味道整體上亦都唔差咬落去都唔會話有太肥嘅口感，豬頸肉嘅外邊亦都燒得好香，呢個我哋最後再encore一串！朋友同我都非常鍾意食牛舌，所以我哋叫咗一串牛舌心，佢都做得非常厚，絕對不會手軟所以我哋都覺得呢一個價錢嚟講都幾抵食，所以CP值都非常高，整體上呢一間餐廳嘅串燒唔會話好貴以下一間地舖嘅價錢嚟講我覺得喺銅鑼灣絕對唔算好貴！宜家餐廳有優惠，只有加$68就可以加半打蒜蓉香蔥燒生蠔，呢個價錢嚟講真係非常抵食，出邊食嘅話都唔平，山河非常好食，而且食得出係新鮮嘅貨源入口仲有少少海水嘅味道再加埋蒜蓉同埋香蔥嘅配搭，簡直就係正！燒雞皮亦都係我哋嘅最愛，非常香口，如果鍾意飲啤酒嘅朋友不妨都可以試吓因為實在係非常好配搭既一個小食之一！餐廳位置非常方便喺銅鑼灣鵝頸橋附近，其實如果喺地鐵站時代廣場出口嘅話只係5分鐘就到，好多串燒嘅舖頭都唔係真係咁好錯，但係呢一間餐廳令我哋又驚係因為佢嘅座位都非常闊落適合朋友同埋三五知己聚會！
继续阅读
今時今日出街食飯得一個目標，以最小資本達至最大效益，三個字講哂，性價比！一張單我300蚊同500蚊落樓，而所得到既服務、食物、環境，都係一樣既話，咁我無理由同錢鬥氣咖？所以呢間「毫無分串陀地串燒酒場」絕對係king of抵食！👇🏻📌人 氣 推 介 -▪️ 陀 地 燒 -▫️「惹味辣雞腎」爽口彈牙，staff用火爐㷫住保持溫度，呢下細心體貼。▫️「邪惡燒牛腸」食落煙煙韌韌，果然名不處傳，夠哂邪惡。▫️「老銅牛叉燒」叉燒食得多，牛既叉燒真係第一次食，入口濃香惹味，面頭脆身，帶點焦香，值得一試。▫️「雞中翼」裡面保持到相當juicy，肉汁豐富，雞翼控一定要嗌！▫️「原條蒜香燒茄子」茄子入口即化，夠哂腍身，相當入味，好食！▪️ 出 糧 食 好 啲 - ▫️「陀地醬燒豬頸肉」份量十足，夠哂誠意，肉質爽嫩，完全唔乾身，加埋醬汁一齊食，惹味到極致。▪️ 暢 飲 邊 少 得 小 食 - ▫️「脆炸雞軟骨」呢d小食真係要送下野飲，粒粒脆卜卜，過足口癮。 ▪️ 粥 麵 飯 包 -▫️「和牛炒飯」首先炒飯夠鑊氣，入口係熱辣辣，而和牛既油香吸收哂係炒飯裡面，成個飯都充滿住油香，我幾鍾意！▫️「唔L同沙嗲牛肉麵」真係同平時食開沙嗲牛好大分別，呢隻沙嗲香味更加突出，帶少少辣勁，而且牛肉相當嫩滑，完全唔韌，麵底煮得岩岩好，好有咬口，呢個真係必試！
继续阅读
最近去咗一間本地串燒舖，試咗佢哋嘅二人套餐，內容豐富，總共15款菜式。佢唔知好食之餘仲要裝修同埋餐牌裏面啲菜名都好特別。新張期間每台嗌夠10吋可以加$68係半打蔥蒜燒蠔(原價$145)。惹味辣雞腎口感爽脆，辣度適中，幾惹味。邪惡燒牛腸牛腸燒得香脆，帶啲微微焦香，油脂豐富但唔會過膩。邪惡程度滿分，配埋啤酒就更正！ 鹽燒牛舌芯牛舌芯切得厚薄適中，唔會厚度嚼唔開，口感彈牙，牛味極濃，非常好味！ 老銅牛叉燒嚟呢款牛叉燒真係大熱推介，唔使點汁已經有肉汁味，外面仲要甜甜地。燒得剛剛好，外層微焦，內裡保持多汁。 汁燒牛胸爽牛胸爽咬落有啲嚼勁，帶有少許煙燻香氣。燒雞皮（辣）雞皮燒得香脆，辣味係一個亮點，唔會太嗆，反而帶出雞皮嘅油脂甘香。 燒菠蘿燒菠蘿係酸中帶甜，口感獨特。 原塊督黑椒牛仔骨牛仔骨厚切，黑椒味十足，燒得剛剛好，肉汁鎖得住，係整個套餐之中嘅亮點之一。 陀地醬燒豬頸肉豬頸肉肥瘦比例完美，配埋個陀地醬食落非常惹味。陀地薑蓉雞串薑蓉味道濃郁，超多薑蓉埋咗呢條雞肉串。雞肉嫩滑，燒得啱啱好，薑嘅香氣未試過呢種食法，非常推薦。 鹵水牛舌牛舌入味程度適中，鹵水味唔會太重，口感細膩，但相比燒牛舌芯少咗啲火候嘅香氣，整體表現平穩。 蔥蒜燒蠔（半打）蠔肉鮮甜多汁，蔥蒜香氣濃郁，加錢一試，性價比極高。和牛炒飯和牛炒飯係一個令人驚喜嘅選擇，炒飯粒粒分明，牛肉嫩滑，飯香與牛味完美融合，絕對係飽肚之選。 沙嗲牛肉麵沙嗲湯底濃郁，牛肉片滑嫩，麵條吸滿湯汁，辣度適中，但對於已經食咗咁多串燒嘅人嚟講，呢碗麵可能稍嫌太飽。 勁量凍檸茶凍檸茶清新解膩，酸甜比例剛好，係整頓餐嘅完美結尾。 整體感受呢餐串燒二人餐真係性價比高，菜式選擇多樣化，無論係燒製技巧、味道定係食材質素都令人滿意。特別推介燒蠔、燒牛舌芯同邪惡燒牛腸，呢幾款印象深刻！
继续阅读
喺銅鑼灣附近收工聽講附近開咗一間新嘅串燒舖今日一於同朋友過去試吓佢店舖地方唔算大當日係平日夜晚成間舖都坐滿晒店舖非常有香港特色貼滿香港特色牌入到舖頭已經聞到好大陣好香嘅串燒味我哋嗌咗幾款唔同嘅串燒嚟試吓特別推薦牛舌芯有口感得黎又多肉汁另外牛肉叉燒都非常有特色超級多肉汁 而且調味都好唔錯燒牛仔骨都非常特別調味超正 而且都好大塊食串燒當然要食埋燒菠蘿解油膩又多汁又鮮甜👍🏻而且新開張期間只要叫滿10串串燒 就可以加半價$68叫半打蔥蒜燒蠔😍蠔肉非常飽滿其他小食都非常唔錯我哋叫咗燒豬頸肉肉質鮮嫩多汁另外呢度亦有特色嘅腐乳多士鹹鹹地好香 而且食到底層仲有花生醬味添非常有特色佢嘅沙嗲牛肉麵都好唔錯沙嗲非常香濃飽肚之選👍🏻飲品我哋就叫咗大檸樂超級大杯，而且好解渴👍🏻
继续阅读
位於銅鑼灣嘅「毫無分串陀地串燒酒場」，裝修風格幾本土，充滿懷舊香港既感覺~充滿霓虹燈裝飾同大排檔擺設，令人一踏入就有種回到舊時生活嘅親切感~美食之旅由 惹味辣雞腎 開始，雞腎經過精心醃製，辣味適中，真係好惹味跟住係 邪惡燒牛腸，牛腸外焦內嫩，出奇地香，配上特製醬汁，食到停唔落嚟~鹽燒牛舌芯 係另一道好值得推介嘅菜，牛舌芯肉質嫩滑，保持咗肉嘅原汁原味，簡單卻味道十足!至於 牛叉燒 就更加係經典，叉燒既味道甜而不膩，肉質軟嫩，食完真係令人想再叫多一份!汁燒牛胸爽 嘅醬汁濃郁，搭配牛肉嘅鮮美，出色燒雞皮 香脆可口，雞皮香氣四溢~燒菠蘿 則為整頓餐點增添咗一絲清新，甜中帶酸，幫助平衡肉類嘅油膩感!黑椒牛仔骨嘅肉質鮮嫩，黑椒醬汁提升咗整道菜嘅層次感燒豬頸肉 同樣有特色，肉質多汁，入口即溶，令人驚喜!另外，姜蓉雞串嘅香味令人食指大動~而鹵水牛舌嘅獨特風味更係為整體餐點增添咗豐富口感。最後叫左和牛炒飯，香氣四溢~好有鑊氣!而沙嗲牛肉麵嘅濃郁湯底都非常惹味~值得一提係，餐廳開張期間有優惠，只需加 $68 就可以享用半打蔥蒜燒蠔!蠔都燒得剛剛好，好滑好埋淋，都好新鮮～對海鮮愛好者嚟講，真係一個好吸引嘅選擇!值得encore 的串燒小店!
继续阅读