湊湊火鍋‧茶憩 (圍方)

营业中

休息中

平时听朋友讲凑凑非常出名，一心一意谂住去打边炉，点知发现佢嘅晏昼居然有午市套餐！仲要有一人一锅，$100都唔使食到非常尽兴，出边仲有自助吧，等我而家介绍一下。肉小火锅、经典红颜花胶鸡都非常丰富，前者叫咗宝岛慢煮蕃茄牛肉，入口浓郁牛肉好腍，而花胶鸡嘅汤底相当清甜，鸡肉嫩滑。跟餐仲可以有米饭或者乌冬，肯定够饱，加上有一系列嘅台式饮品，包括叫咗热冬瓜柠檬，黄金橘茶加珍珠，清清润润！去到自助区域：有多种水果，哈密瓜、西瓜、蕃茄仔等，仲有热辣辣嘅白米饭同埋好惹味嘅肉酱，爽口开胃嘅鱼皮，腌制得入味嘅鸡髀菇，仲有多种嘅酱汁任君选择。