早安越南 (已結業)

天后一向都出左名多野食，今次我就同朋友黎到呢间早安越南黎食越南野。餐厅周围嘅装饰都好有越南嘅特色，墙上面有唔同嘅图案。我同朋友叫咗一碗咖喱牛腩河，一碗沙嗲肥牛汤河，一个鲜虾扎肉米纸卷同埋一个香茅烧猪颈肉。咖喱牛腩河汤底非常香浓，咖喱味十足，入面牛腩同埋牛筋嘅份量都非常之多。牛腩非常之冧，亦都唔会太肥。牛筋则胶质丰富，一样好冧。河粉方面非常之滑，吸收左咖喱汤底嘅味道，十分好吃！沙嗲肥牛汤河沙嗲味香浓，分量十足，河粉同样好滑。肥牛方面餐厅用既肥牛唔会太过肥，肥瘦均匀，肉质唔柴，十分高质！小食方面，鲜虾扎肉米纸卷十分高质。虾肉几爽口，配埋越式酸辣酱，好醒胃。另一个小食香茅烧猪颈肉亦做得十分好吃，而且份量足，猪颈肉堆起来像山一般，底下唔会用菜黎填塞。猪颈肉食落香口，油脂被烧得好香，表面有焦香，配埋甜酸酱，好正！餐厅位置方便，食物质素高，环境亦都舒服，值得大家一试！