意粉屋 (已結業)

晚上系沙田新城市广场唔知食咩好，因为有意粉屋会员卡，所以决定食意粉屋，两个人食就叫左个 $438 既二人餐。餐汤 : 波士顿龙虾汤 (+$18 加配酥皮)，虽然好足料同有好浓郁既味道好好饮，但饮到最尾可能个汤真系好浓味，所以有点苦既情况出现。😂 😂主菜 1 : 西西里带子马苏里拉芝士纽纹粉厨师将蕃茄酱调教得较淡口，所以味道不会太酸易入口，而纽纹粉面则洒上了芝士，令整个粉既味道不会太单调 ; 而带子则煎过十分惹味。👍🏻 👍🏻主菜 2 : 波士顿龙虾意大利饭 (要另加$20)原只波士顿龙虾开边，而饭粒吸收了龙虾汁同用上了芝士，味道超正无得顶，但可惜龙虾煮得过火，所以令到肉质变得鞋口。甜品 : 蜂蜜苹果批配雪糕 (套餐 +$24 加配)卖相就一般，不过份量真系好大件，味道就普普通通啦无咩特别之处，但胜在价钱够抵，以 24 蚊有个甜品黎讲不过不失。