凱薈

营业中

休息中

之前揾结婚场地嘅时候，有留意过呢一间。最后冇机会喺呢度摆酒，反而今晚嚟咗食个晚餐！👍🏻脆皮烧腩仔呢一碟烧腩仔真系出色，肥瘦平均，口感特别爽嫩，外皮脆身！一客12件，两个人食真系绰绰有余。👍🏻金奖宫爆虾球作为餐厅嘅得奖菜，摆碟真系好靓，用子姜衬上炸过嘅虾皮皮蛋，特别香口。虾球爆得有火候，而且炸粉唔重，食落爽口又弹牙！小编反而想赞一赞个酱汁，有少少辣度又唔会太甜，送饭一流。👍🏻招牌葡汁焗酿响螺即点即整，要所以预返相应嘅时间。葡汁嘅味道好香好浓，里面嘅切得粒粒碎碎，颇有口感。👍🏻上汤金银蛋白菜仔健康主义者表示出街都要食菜，上枱份量都几多，上汤清清甜甜，啱晒中和一餐桌的𩠌菜。👍🏻金沙墨鱼仔呢份小食绝对系邪恶嘅首选，蛋黄嘅颗粒感好香，而且墨鱼仔好有嚼头。💡餐厅同时系一个婚宴场地，光线都几光猛，仲有成个为维港大海景。