海港酒家

营业中

休息中

约咗朋友收工后食晚饭，近近地就喺附近揾间好食又抵食嘅酒楼，呢间海港酒家门面都几吸引，决定入去试下。上环区平日晚上嘅食肆都唔会好多人，所以入到去都即时有位。坐低后见佢有个开心二人餐，价钱只不过喺398元，几抵食，最重要嘅喺啲𩠌菜都好啱食，二话不说即时落单。第一味菜喺上汤虾球伊面（位上）, 大虾球两只，都好爽弹，味道唔错。红烧乳鸽（每位半只）, 烧得皮脆肉嫩，乳鸽腌得够味，咬落去有肉汁，值得一赞！清蒸海石班，两个人食都唔算细条，蒸得啱啱好，肉都唔鞋，几好！蚝皇玉掌扣海参，鸭掌都够淋，海参就一般。鱼肚浸翡翠，鱼肚份量算多，索咗汤汁后几好味，白菜仔够嫩，正！最后食埋甜品后就非常饱！